Tuesday, 22nd August, 2017

एमाले मकवानपुरले सिफारिस गर्‍यो उम्मेदवार

cHUNAB-icon-1492364371.jpg

नेकपा एमालेले हेटौंडा उपमहागरको मेयरमा तीन जनाको नाम सिफारिस गरेको छ । एमाले मकवानपुरले उपमहागरसहित जिल्लाका आठवटै गाउँपालिका, नगरपालिका र उपमहानगरपालिकाको उम्मेदवार सिफारिस गरेको हो । सिफारिस गरिएका उम्मेदवारलाई जिल्ला कमिटीको सिफारिसमा ३ नम्बर प्रदेश कमिटीले अनुमोदन गर्ने प्रावधान छ । त्यसपछि मात्रै उम्मेदवारको टुंगो लाग्नेछ । यसका लागि अझै एकसाता पर्खनुपर्ने छ । जिल्ला कमिटीको बैठक बुधबार बोलाइएको छ ।

स्थानीय तहअन्तर्गत भएको भेलाबाट स्थानीय तह प्रमुख र उपप्रमुखको सूची तयार पारिएको हो । स्थानीय तहबाट तयार पारिएको सूची वा प्रदेशबाट अनुमोदन हुनेछ । हेटौंडा उपमहानगरपालिकाको मेयर र उपमेयरको उम्मेदवारको लागि तीन-तीन जनाको नाम प्रस्ताव गरेको छ ।

मेयरको लागि हरिबहादुर महत, कमल विष्ट र विष्णु ओझालाई उम्मेदवारमा प्रस्ताव गरेको छ । एकलाल श्रेष्ठ, जुनेली श्रेष्ठ र मीना लामालाई उपमेयरको उम्मेदवारको लागि नेकपा एमाले मकवानपुरले उपमेयरको लागि प्रस्ताव गरेको छ । 

थाहा नगरपालिकाको मेयरमा लागि पाँचजना र उपमेयरमा लागि तीनजना उम्मेदवारको प्रस्ताव गरेको छ । विष्णु ढकाल, राजु नापित, अच्युतम ढकाल, केदार बल र विष्णुहरि ढकाललाई मेयरको उम्मेदवारको लागि प्रस्ताव गरेको छ भने कल्पना बलामी, सान्नानी अधिकारी र रितासिंह ठकुरीको नाम अगाडि सारेको छ ।

गढी, भीमफेदी, बकैया र इन्द्रसरोबर गाउँपालिकामा अध्यक्षको नाम सर्वसम्मत भएको छ भने अन्य स्थानमा उम्मेदवारको नाम सिफारिस गरिएको  छ । भीमफेदी गाउँपालिकामा हिदम लामाको नाम सर्वसम्मतिले चयन गरिएको छ । गढी गाउँपालिकामा बिदुर हुमागाईंले एमालेबाट उम्मेदवारी दिने पक्का भएको छ । भीमफेदीमा महिला उपाध्यक्ष पार्वती राना र भगवती पुडासैनीको नाम सिफारिस भएको छ । गढीमा हर्कमाया रुम्बाको नाममा सहमति जुटेको छ ।

वकैया गाउँपालिकाको अध्यक्षको उम्मेदवारको लागि दलबहादुर राई र उपाध्यक्षको लागि सरला बोलखेको नाम प्रस्ताव भएको छ । इन्द्रसरोवरमा डीके पुडासैनी, जीवन लामा र पद्माकुमारी लामाको नाम प्रस्ताव गरेको छ भने उपाध्यक्षको लागि उमा लामाको नाम प्रस्ताव गरेको छ ।

मनहरी गाउँपालिकाबाट एकराज उप्रेती भूमिनन्द अर्याल र सरिता बिकको नाम सिफारिस गरिएको नेकपा एमाले मनहरी गाउँ संगठन कमिटीका सचिव हेमलाल उप्रेतीले बताए । उपाध्यक्षमा भने मनिला बिष्ट र मीरा थापालाई सिफारिस गरिएको छ ।

क्षेत्र नम्बर-४ अन्तर्गतको अर्काे गाउँपालिका राक्सिराङमा दुईजना पूर्वगाविस अध्यक्षलाई गाउँपालिका अध्यक्षमा सिफारिस गरिएको छ ।

तत्कालीन सरिखेत गाविसका अध्यक्ष लालबहादुर थापा तथा तत्कालीन राक्सिराङ गाविसका अध्यक्ष कृष्णबहादुर चेपाङ अध्यक्ष पदका लागि सिफारिस भएका हुन् । उपाध्यक्षमा भने सुन्तली चेपाङको मात्र नाम सिफारिस गरिएको छ ।

कैलाश गाउँपालिकामा अध्यक्षका लागि तीन जनाको नाम सिफारिस छ । टंकबहादुर मुक्तान, भोटु बिष्ट र श्याम उप्रेतीको नाम सिफारिस भएको कैलाश गाउँपालिका संगठन कमिटीका संयोजक टंकबहादुर मुक्तानले बताए । उपाध्यक्षमा सुकुमाया थिङ र ज्ञानीमाया लामालाई सिफारिस गरिएको छ । बागमती गाउँपालिकाको अध्यक्ष र उपाध्यक्षको उम्मेदवारको लागि दुई/दुईजना नाम प्रस्ताव गरेको छ । अध्यक्षमा राजकुमार तिमल्सिना, इन्द्रबहादुर लोप्चन र मसिना रानाको नाम प्रस्ताव गरिएको छ । शर्मिला विक र धनमाया थिङको नाम वागमती गाउँपालिकाको उपाध्यक्षमा सिफारिस गरिएको छ ।

-अनलाइनखबरबाट



loading...


ताजा समाचार

भीमफेदीमा तीज बिशेष कार्यक्रम हुने
ऐतिहासिक पर्यटकीय क्षेत्र भीमफेदी गाउँपालिका वडा नंम्बर ६ मा भीमफेदीको सकृय नागरीकको सहभागितामा ८ भाद्रमा तिज बिशेष लोक संस्कृतिक गीत तथा नृत्य...
vim01-1503414447.jpg
थाहानगरका किसानलाई "गोलभेडाबाटै मालामाल"
मकवानपुरको थाहा नगरपालिका वडा नम्बर ६ का कृष्णभक्त महर्जन मिहिनती युवा हुन् । सातवर्ष अघि बज्रवाराहीमा गोलभेडा फलाउँछु भनेर आँट गर्ने कृष्णभक्तको...
Krishna-001-CV-1503409112.jpg
विद्युत प्राधिकरणमा व्यापक सरुवाः पालुङ प्रमुख कहाँ पुगे ? (हेर्नुहोस् सरुवा सूची)
नेपाल विद्युत प्राधिकरणले फेरि कर्मचारी सरुवा गरेको छ । प्राधिकरणले बढी चुहावट हुने वितरण केन्द्रका प्रमुखसहित मुख्य पदमा कार्यरत कर्मचारीको सरुवा...
electricity-1503396630.jpg
पूर्ण क्षमतामा डाँडागाउको रस्टिक हाउस किन चलेन ?
२८ टन क्षमताको रष्टिक हाउसले अझै कृष्कलाई  पुर्ण क्षमताको सुविधा दिन सकेको छैन । थाहा नगरपालिका वडानं ३ डाडागाउँमा रहेको  रष्टिक हाउसबाट...
लाइन बस्ने झन्झट सकियो, घरमा बसी-बसी तिर्नुस् बिजुलीको बिल
अब नेपाल विद्युत प्राधिकरणका ग्राहकलाई महसुल तिर्न प्राधिकरणको शाखा कार्यालयमा गएर लाइन बस्नैपर्ने बाध्यता हटेको छ । घर बसीबसी अनलाइनबाटै बिद्युत...
lectricity-1503313540.jpg

लोकप्रिय समाचार

हेटौंडाको स्कूलरोडमा खुकुरी हानाहान
मकवानपुर सदरमुकाम हेटौँडाको स्कुलरोडमा केहि युवाहरुबीच खुकुरी हानाहान भएको खबर छ ।  हेटौंडा–४ मा रहेको उक्त बजारमा खुलेआम खुकुरी हानाहान गरेपछि...
download-1502798702.jpg
हेटौंडा देशकै सफा शहर
हेटौंडा उपहानगरपालिका यस वर्ष पनि देशकै सफा सहर घोषणा हुन लागेको छ । यस अघि समेत सफा सहरका रुपमा घोषणा भएको हेटौंडा दोश्रो पटक देशकै ३ सफा सहरमध्ये १...
hetauda_4-1501559335.jpg
थाहानगरको लामचौरमा गाडी दुर्घटना
मकवानपुरको थाहा नगरपालिका-३ लामचौरमा मालबहाक ट्रक दुर्घटना भएको छ । हेटौंडाबाट रसायनिक मल लिएर आग्रा जाँदै गरेको ना६ख ५९४३ नम्बरको आइचर गाडी...
sadak-1501465308.jpg
हेटौंडका व्यापारी हिरालाल साह पक्राउ
हेटौंडका व्यापारी हिरालाल साहलाई प्रहरीले पक्राउ गरेको छ ।  कमतौल चामलको बोरा बिक्री गरेको आरोपमा प्रहरीले उनलाई पक्राउ गरेको हो । संयुक्त बजार...
Pakrau-1502789976.jpg
थाहाको शिखरकोटमा घैटो फुटाइयोः आग्रा युवा समूह प्रथम
मकवानपुरको थाहा नगरपालिकाको शिखरकोटमा कृष्णअष्टमी अवसरमा घैटो फुटाउने प्रतियोगिता सम्पन्न भएको छ । हरेक वर्ष कृष्णाष्टमीको भोलिपल्ट आयोजना हुने...
102-1502809904.jpg