Monday, 23rd October, 2017

बन्दै गरेको घर धीतो राखी तीन लाख ऋण लिन पाइने

bhukumpa-pidit-new-house-1507623331.jpg

भूकम्प पीडितहरुले हाल बनाउदै गरेको घरनै धितो राखी तीन लाख रुपैयाँ निब्र्याजी ऋण पाउने भएका छन् । सोमबार बसेको मन्त्रिपरिषद बैठकले सामूहिक जमानीमा ऋण उपलब्ध गराउने कार्यविधि २०७४ लाई संशोधन गर्दै हाल बनिरहेकै घर धितो राखी ऋण दिन पाउने व्यवस्थाको निर्णय गरेको कान्तिपुरमा समाचार प्रकाशित छ । ।

‘सामूहिक जमानीमा ऋण दिने व्यवस्थामा बैंकहरुले कर्जा प्रवाह गर्न आनाकानी गरेपछि राष्ट्रिय पुनर्निर्माण प्राधिकरणको पहलमा सरकारले उक्त कार्यविधिलाई संशोधन गरी बन्दै गरेको घर समेत धितो राखेर निब्र्याजी ऋण दिने नयाँ प्रावधान लागू गरेको प्राधिकरणका प्रमुख कार्यकारी अधिकृत (सिइओ) गोविन्दराज पोखरेलले बताए,’ निर्णयपछि प्राधिकरणद्वारा जारी विज्ञप्तीमा भनिएको छ, ‘राष्ट्र बैंक र बैंक तथा वित्तीय संस्थाका अधिकारीहरुसंग छलफल गरी यो व्यवस्थालाई थप व्यावहारिक बनाइने छ ।’

सरकारले दिने तीन लाख रुपैयाँ अनुदानले घर बनाउन समस्या भएका लाभग्राहीलाई निब्र्याजी ऋणले ठूलो सहयोग पुग्ने उनले बताए । ‘हामीले इजाजत प्राप्त सबै बैंकहरुबाट निब्र्याजी कर्जा प्रवाहलाई प्रभावकारी बनाउन सम्बन्धित निकायलाई समेत भनिसकेका छौ,’ पोखरेलको भनाई उद्धृत गर्दै प्राधिकरणद्वारा जारी विज्ञप्तीमा भनिएको छ, ‘आशा छ पछिल्लो व्यवस्थाले निजी आवास पुनर्निर्माणलाई थप गति दिनेछ ।’ 

निब्र्याजी रुपमा प्रदान गरी उक्त कर्जाको भुक्तानी लाभग्राहीले बढीमा ५ वर्षसम्ममा तिरिसक्नु पर्ने व्यवस्था छ । ‘यस्तो ऋण उपलव्ध गराउने सम्बन्धमा जानकारी एवं गुनासो सुन्नका लागि सम्बन्धित बैंक वा वित्तीय संस्थाले छुट्टै सम्पर्क अधिकृत तोक्नुपर्नेछ,’ प्राधिकरणद्वारा जारी विज्ञप्तीमा भनिएको छ । 

प्राधिकरणको विज्ञप्ती अनुसार ऋण नपाए पनि १ लाख ३० हजार बढी लाभग्राहीले घर पुनर्निर्माणको काम गरिरहेको जनाएको छ । समस्या पर्नेहरुलाई उक्त व्यवस्था गरिएको प्राधिकरणले जनाएको छ । 

उक्त ऋणसँग सम्बन्धीत संशोधित कार्यविधि अनुसार अब इजाजत प्राप्त क, ख, ग र घ बर्षका बैंक तथा वित्तिय संस्थाहरुले सामूहिक जमानी वा बन्दै गरेको घर धितो राखेर लाभग्राही सूचीमा परेका पीडितहरुलाई अधिकतम तीन लाख रुपैयाँसम्म बिना व्याज ऋण दिनुपर्नेछ ।

‘बैंक तथा वित्तीय संस्थाहरुको संचालन लागतमा दुई प्रतिशत बिन्दु थप गरी व्याजदर कायम गरिनेछ,’ विज्ञप्तीमा भनिएको छ, ‘यस्तो व्याज रकम, बीमा वा सुरक्षण शुल्क बंैक तथा बित्तीय संस्थाबाट माग भई आएमा नेपाल राष्ट्र बैंक, बैकिंग कार्यालयले त्रैमासिक रुपमा उक्त कोष खर्च गरी सम्बन्धित बैंक वा बित्तीय संस्थाहरुलाई उपलव्ध गराउने प्राधिकरणका प्रवक्ता यमलाल भूसालले जानकारी दिनुभयो ।’ 

स्थानीय तहको सिफारिसमा अग्रीम किस्ता

दोस्रा किस्ताका लागि योग्य लाभग्राहीहरुले स्थानीय तहको सिफारिसमा अग्रीमरुपमा अर्को किस्ता पाउने भएका छन् । 

गाउँपालिका, नगरपालिका, उपमहानगरपालिका तथा महानगरपालिकाको सिफारिसमा अग्रीम रुपमा तेस्रो किस्ता समेत पाउने व्यवस्थका लागि अर्थ मन्त्रालयले स्वीकृति दिइसकेको प्राधिकरणले जनाएको छ । 

‘स्थानीय तहको जिम्मामा लाभग्राहीले पाँच महिनाभित्र घर सम्पन्न गर्ने सर्तमा तेस्रो किस्ता आवास अनुदान अग्रिम रुपमा पाउने भएका हुन्,’ विज्ञप्तीमा भनिएको छ, ‘निजी आवास निर्माणमा लाभग्राहीलाई अग्रिम रुपमा तेस्रो किस्ताको रकम उपलब्ध होस् भनी राष्टिय पुनर्निर्माण प्राधिकरणले गरेको प्रस्तावलाई अर्थ मन्त्रालयले स्वीकृति दिएको हो ।’ यो व्यवस्थापछि अब घरको जग उठाएर दोस्रो किस्ता लिन योग्य भएका घरधनीले दोस्रो किस्ताबापतको डेढ लाख र तेस्रो किस्तावापतको एक लाख गरी एकैपटक अढाइ लाख पाउने भएका हुन् । 

‘यो व्यवस्थापछि निजी आवास निर्माण गर्न चाहने घरधनीले जग उठाइसकेपछि एकमुष्ठ रकम प्राप्त गरी घर निर्माण सम्पन्न गर्न सक्नेछन्,’ विज्ञप्तीमा भनिएको छ । सरकारले भूकम्प पीडितलाई निजी घरको जग निर्माणका लागि पहिलो किस्ताबापत ५० हजार, जग भन्दा छाना छाउनुपूर्व दोस्रो किस्तामा डेढ लाख र छाना छाउनका लागि तेस्रो किस्ताको एक लाख रुपैयाँ दिने व्यवस्था गरेको थियो । हाल आएर जग निर्माणपछि दोस्रो किस्तासंगै तेस्रो पनि पाउने व्यवस्था गरिदिएको हो ।




loading...


ताजा समाचार

राप्रपाका अध्यक्ष थापा मकवानपुर-१ बाट चुनाव लड्ने पक्का
 राष्ट्रिय प्रजातन्त्र पार्टीले लोकतान्त्रिक गठबन्धनबाट प्रतिनिधिसभाको दोस्रो चरणका लागि पाँच स्थानमा उम्मेदवारको टुंगो लगाएको छ । मकवानपुर-१...
KT-001-1508756647.jpg
आग्राबाट आहा  ! [हेर्नुहोस् फोटो फिचर]
मकवानपुरको पर्यटकीय गन्तव्य थाहा नगरपालिकाको आग्रामा घुम्न जाने समय यहि हो । यहाँबाट उत्तरतर्फ हिमालयको लहर अवलोकन गर्न सकिन्छ भने गाउँहरुमा...
Agg-1508745990.jpg
रामचन्द्रका सम्धी पुनर्निर्माण प्राधिकरणका नयाँ सीईओ !
सरकारले पुनर्निर्माण प्राधिकरणका कार्यकारी प्रमुख (सीईओ)मा पूर्वसचिव युवराज भुसाल नियुक्त गरेको छ । मन्त्रिपरिषद्को मंगलबार बसेको बैठकले सीईओ...
CEO-1508744610.jpg
तासको खालमा प्रचण्ड !
 तिहारमा माओवादी केन्द्रका अध्यक्ष पुष्पकमल दहाल प्रचण्ड आफ्ना परिवारका सदस्यहरुसँग बसेर तास खेलेको तस्विर सामाजिक सञ्जालहरुमा देखिएको छ ।...
prachanda-1508644710.jpg

लोकप्रिय समाचार

क्या राम्रो चित्लाङ जाने रोड, संगसंगै घुम्न जाऊँ ए सानु पालुङ शिखरकोट [हेर्नुहोस् भिडियो ]
लोक दोहोरी गित ‘चित्लाङ जाने रोड’ एल्बम सार्वजनिक भएको छ । मकवानपुर थाहानगरका रुपचन्द्र सापकोटा र कमल वलीको स्वरमा क्या राम्रो चित्लाङ जाने रोड,...
CVR-1507534641.jpg
एमाले नेता राना सर्वसम्मत प्रदेश सभाको उमेद्वार
नेकपा एमाले प्रदेश नम्बर ३ का सदस्य रामेश्वर राना प्रदेश सभाको उम्मेदवार बन्ने भएका छन् । रानालाई मकवानपुुर क्षेत्र नम्बर ३ बाट सर्वसम्मत रुपमा...
Rameshwor-Rana-1507126589.jpg
को-को छन् माओवादी मकवानपुरका उमेद्वारहरु ?
प्रतिनीधिसभा र प्रदेशसभा निर्वाचनको लागि नेकपा माओवादी केन्द्र मकवानपुरले उम्मेद्वार छनोटको विषयमा छलफल गरेको छ । आगामी २१ मंसीरमा हुने दुई...
MC-Mk-1507214812.jpg
हेटौंडाको शिवम् सिमेन्टमा कर्मचारी माग, ५० हजारसम्म तलब
हेटौंडाको शिवम् सिमेन्टमा कर्मचारी माग भएको छ । शिवमले मेरो जागिर डटकम मार्फत कर्मचारी माग गरेकेो हो ।  विज्ञापन हेर्न र एप्लाई गर्न यहाँ क्लिक...
Sivam-1507364026.jpg
थाहा नगरपालिका प्रतिपक्षबिहिन ?
नेकपा एमाले र नेकपा माओवादी केन्द्रबीचको केन्द्रीय सहमतिले थाहानगरमा पनि तरङ्ग ल्याइदिएको छ । चुनावी तालमेलसम्मको कुराले त त्यस्तो तरंग पैदा...
CVR-1507376552.jpg