Sunday, 19th November, 2017
वि.स.

भदौ ३० बाट हेटौंडामा हुने राष्ट्रियय पुरुष भलिबल प्रतियोगिताको तयारी तीव्र

download-(1)-1504313278.jpg

केशवलाल श्रेष्ठ स्मृति केन्द्रीय प्रतिष्ठान हेटौंडाको आयोजनामा यही भदौ ३० गते हेटौंडा–१९, बस्तीपुरमा हुने राष्ट्रिय पुरुष भलिबल प्रतियोगिताको तयारी तीव्र पारिएको छ । प्रतियोगितामा विभागीय टिमहरु नेपाल प्रहरी, सशस्त्र प्रहरी, नेपाली सेनासहित साविकको ५ विकास क्षेत्रको टिम सहभागी हुनेछ । यस्तै आयोजकको तर्फबाट स्थानीय टिम पनि सहभागी हुनेछ ।

प्रतियोगितामा विभागीय टिमको सहभागिता निश्चित भइसकेको छ भने साविकका विकास क्षेत्रको टिम पनि सहभागी हुने निश्चित प्रायः छ । शुक्रबार प्रतिष्ठानको बैठकले प्रतियोगिताको तयारी तीव्र बनाएको छ । प्रतियोगिता आयोजनाका लागि प्रतिष्ठानले राजेश भेटवालको संयोजकत्वमा आयोजक समिति गठन गरेको छ । शुक्रबारको बैठकले विभिन्न उपसमितिहरु गठन गरेको छ । प्रतिष्ठानका अध्यक्ष प्रताप विष्टको संयोजकत्वमा आर्थिक उपसमिति गठन गरेको छ । खाना तथा आवास उपसमिति संयोजकमा राजु घले, सचिवालय व्यवस्थापन उपसमिति संयोजकमा राजन दाहाल खुसराज, प्रचारप्रसार उपसमिति संयोजकमा सुरेश श्रेष्ठ, प्राविधिक उपसमिति संयोजकमा बसन्तकुमार सिटौला, खेलाडी तथा टिम सम्पर्क व्यवस्थापन उपसमिति संयोजकमा अनिल पाण्डेलाई जिम्मेवारी दिइएको छ । यस्तै स्थानीय टिम निर्माणका लागि भरत सापकोटा, छवि सुवेदी र शंकर कार्कीलाई जिम्मेवारी दिने निर्णय गरेको छ ।

प्रथम पुरस्कार २ लाख रुपैया“, द्वितीय पुरस्कार १ लाख रुपैया“ रहने प्रतियोगितामा तृतीय हुने टिमलाई ५० हजार रुपैया“ र चौथो हुने टिमलाई २५ हजार रुपैया“ प्रदान गरिनेछ । प्रतिष्ठानले राष्ट्रिय खेलकुद परिषद्, हेटौंडा उपमहानगरपालिकासहित निजि क्षेत्रका व्यावसायिक संस्था, व्यवसायी, उद्यमीस“ग सहकार्यका लागि प्रयास गरिरहेको प्रतिष्ठानका अध्यक्ष प्रताप विष्टले बताउनुभएको छ । प्रतियोगिता आयोजनाका लागि करिब २० लाख रुपैया“ लागत अनुमान गरिएको छ । भलिबल खेलका मुख्य राष्ट्रिय प्रशिक्षक रहनुभएकै बेला २०७२ साल बैशाख १२ गतेको भूकम्पमा परी निधन हुनुभएका केशवलाल श्रेष्ठको स्मृतिमा स्थापना गरिएको प्रतिष्ठानले भलिबल खेलकै विकासका लागि राष्ट्रिय प्रतियोगिता गर्न लागेको अध्यक्ष विष्टको भनाइ छ ।

प्रतियोगिता आयोजनाका लागि प्रतिष्ठानका संस्थापक अध्यक्ष एवम् हेटौंडा उपमहानगरपालिकाका मेयर हरिबहादुर महत, मकवानपुर जिल्ला खेलकुद विकास समितिका अध्यक्ष माधवप्रसाद तिमल्सिना, मकवानपुर उद्योग वाणिज्य संघका निवर्तमान अध्यक्ष भुवनलाल श्रेष्ठ, हेटौंडा स्कूल अफ म्यानेमजेन्टका प्रिन्सीपल पुरनबहादुर जोशी, मकवानपुर जिल्ला भलिबल संघका अध्यक्ष विन्द्रलाल श्रेष्ठलाई सल्लाहकार चयन गरेको छ ।

यस्तै उद्योग संघ मकवानपुरका अध्यक्ष नवराज अर्याल, मकवानपुर उद्योग वाणिज्य संघका अध्यक्ष राजकुमार अर्याल, निर्माण व्यवसायी महासंघ मकवानपुरका अध्यक्ष आनन्दराम पराजुली, नारायणीय यातायात व्यवसायी संघका अध्यक्ष बद्रि चौलागाई, नेपाल पत्रकार महासंघ मकवानपुर जिल्ला शाखाका अध्यक्ष हरि हुमागाई, प्याव्सन मकवानपुरका अध्यक्ष मदनकुमार दाहाल, सुमन भोम्जन स्मृति खेलकुद प्रतिष्ठानका अध्यक्ष्ँ भेष खड्गी, प्रतिष्ठानकै प्रथम उपाध्यक्ष बालकृष्ण चौलागाईलाई पनि सल्लाहकार चयन गरेको छ ।




loading...


ताजा समाचार

स्थानीय तहलाई घुमाउरो पत्र, डेढ महिना सामाजिक परिचालकको जागिर थप हुने
स्थानीय शासन तथा सामुदायिक विकास कार्यक्रम (एजीसिडिपी) कार्यक्रमलाई आगामि पौष १६ गतेसम्मलाई निरन्तरता दिने भन्दै स्थानीय तहहरुलाई घुमाउरो ढंगले...
MOFALD12-1510842743.jpg
भारतको इसारामा सरकार फेर्ने चलनको अन्त्य हुनेछः सिग्देल
नेकपा एमाले मकवानपुरकी अध्यक्ष मुनु सिग्देलले ९÷९ महिनामा सरकार फेर्ने चलनको अन्त्यका लागि बाम गठबन्धन बनेको बताएकी छिन् । मनहरी गाउँपालिका वडा नं...
manahari-6-1510771670.jpg
समृद्ध नेपालका लागि समृद्ध मकवानपुर बामगठबन्धनको एजेण्डा–दाहाल
बामगठबन्धनका तर्फबाट मकवानपुरक्षेत्र नम्बर १ का उमेद्वार कृष्ण प्रसाद दाहालले नेपालमा बामपंथी दलहरु मिल्नु देशको आवश्यकता र जनताको माग भएको बताएका...
hetauda-13-1510736523.jpg
नयाँ शक्तिको घरदैलो कार्यक्रम
नयाँ शक्ति पार्टी, नेपाल मकवानपुरका तर्फबाट प्रदेशसभा क्षेत्र नम्बर १ (ख) का उम्मेदवार राजन मैनाली सहितको टोलीले हेटौँडा उपमहानगरपालिका वडा नम्बर ४...
New-1510736372.jpg
अन्धाधुन्ध खुकुरी प्रहार गर्दा ३ जनाको ज्यान गयो ः यसरी भयो घटना
मकवानपुरको मनहरी–७ मा एक व्यक्तिले मंगलबार साँझ अन्धाधुन्ध खुकुरी प्रहार गर्दा तीन जनाको मृत्यु भएको छ । अर्का एक जना घाइते भएका छन् । खुकुरी प्रहार...
suman-baraili-1510709662.jpg

लोकप्रिय समाचार

यि हुन् मकवानपुुरका बाम गठबन्धनका उमेद्वार !
बाम गठबन्धनले मकवानपुर जिल्लामा प्रतिनिधि सभा सदस्यको तथा प्रदेश सभा सदस्यको उमेद्वारी टुङ्गो लगाएसंगै १६ कार्तिकमा उमेद्वारी दर्ता गराउँदैछन्...
BAM1-1509590522.jpg
कुलेखानीमा डुबेर एकजना बेपत्ता
मकवानपुरको कुलेखानी इन्द्रसरोवर तालमा डुबेर एकजना बेपत्ता भएका छन् । भक्तपुरचाँगुनारायण नगरपालिका वडा नम्बर ३ बाट कुलेखानी घुम्न आएका रोनाल्ड...
download-1509010865.jpg
१८ वर्षपछि कमल थापा र कृष्ण दाहालको चुनावी भिडन्त
मकवानपुर क्षेत्र नम्बर १ का मतदाताका लागि चौथो पटक पनि दुईमात्र विकल्प आउँदैछन्-कमल थापा रोज्ने कि कृष्णप्रसाद दाहाल ? २०४८ सालदेखि २०५६ सम्म तीनओटा...
Thapa-With-1509271845.jpg
मकवानपुरमा माओवादीबाट पुलामी र मोक्तान बने उमेद्वार, को उठ्दैछ बागी ?
मकवानपुरमा दुई वटा प्रदेशसभाका लागि उमेद्वार भाग पाएको माओवादी केन्द्रको तर्फबाट जिल्ला संयोजक तथा पोलिटब्युरो सदस्य प्रेमबहादुर पुलामी र कुमारी...
KP-1509546546.jpg
मकवानपुरमा प्रहरीले चलायो ७ राउण्ड हवाइ फायर, किन ?
मकवानपुरको नेवारपानी प्रहरी चौंकीमा स्थानीयले तोडफोड गर्न थालेपछि प्रहरीले ७ राउण्ड हवाइ फायर गरेको छ।२५ कार्तिकराती मापसे सेवन गरेर महिला तथा...
ज्ब्धबभ-1510458453.jpg