Monday, 23rd October, 2017

सेनाले जग्गा फिर्ता नगर्दा स्थानीय आक्रोशित

सशस्त्र द्वन्दको बेला नेपाली सेनाले अतिक्रमण गरेको पूर्व–पश्चिम राजमार्गसँगैको जग्गा फिर्ता गर्न पीडितहरुले आग्रह गरेका छन् । मनहरी गाउँपालिका–६ सुनाचुरीका स्थानीयको द्वन्दकालमा सेनाले लिएको जग्गा उपभोग गर्न नपाएकोमा दुःखेसो छ ।

सुनाचुरीमा रहेको  श्री १ नम्बर गजदल गण अन्तर्गत विस्फोटक पदार्थ उत्पादन गर्ने इमल्सन प्लान्टका लागि सेनाले स्थानीयको जमिन लिएको थियो ।
जग्गा उपभोग गर्न दिनुपर्ने वा उचित मुआब्जा दिनुपर्ने माग स्थानीयबासीले गरेका छन् । २०५८ सालमा घर टहरा हटाएर लिएको स्थानीयको करिब दुई बिगाह जग्गामा सेनाले संरचना बनाउन रोक लगाउदै आएको छ ।

राजमार्गसँग जोडिएको भएकाले जमिनको मुल्य लाखौं रुपैयाँ पर्ने पीडित पक्षको दाबी छ । अन्यत्र जग्गा भएकाहरु घर बनाएर बसेका छन् भने नभएकाहरु लोथर खोला किनारमा टहरा बनाएर बसेका छन् ।

द्वन्दको समयमा सेनाले जग्गा कब्जा गरेको बताउँदै ६८ बर्षिय शेरबहादुर खड्काले २० जनाको परिवार पाल्न निक्कै समस्या परेको बताए ।
दुई पुस्तादेखि बस्दै आएको ९ कठ्ठा जग्गा बन्दुक देखाएर सेनाले नियन्त्रणमा लिएको बताउँदै ५९ बर्षिय गिरीबहादुर नगरकोटीले भने, ‘गणतान्त्रिक देशको रक्षा मन्त्रालयसम्म पुगेपनि गुनासो सुनुवाई नभएकोमा चिन्तित छु ।’ शेरबहादुर र गिरीबहादुरसहित एक दर्जन परिवारको जग्गा सेनाले नियन्त्रणमा लिएपछि समस्यामा छन् । 

सेनाले जग्गा नछोड्ने भए पीडितहरुलाई जग्गा सट्टा भर्ना वा क्षतिपूर्ती दिनुपर्ने स्थानीय अगुवा अशोक श्रेष्ठको भनाई छ । जिल्ला प्रशासनको रोहबरमा सेनाले २०६४ सालमा  हकभोग गर्न स्थानीयलाई दिने सहमति गरेपनि कार्यान्वयन नगरेको उनले बताए । रक्षा मन्त्रालयले उक्त जग्गा खरिद गर्न वा मुआब्जा दिन सेनाको जंगी अड्डालाई पत्र पठाएको तर सेनाले आनाकानी गर्दै आएको जनप्रतिनिधीको भनाई छ । मनहरी गाउँपालिका ६ नम्बर वडा अध्यक्ष  गोपिलाल मोक्तानले जनताको जग्गा जनतालाई फिर्ता गर्न पहल गरिरहेको बताए ।

इमल्सन प्लान्टका प्रमुख तथा प्रमुख सेनानी दिपेश खनालले समस्या समाधानका लागि जंगीअठ्डासँग समन्वय गरिरहेको बताए । स्थानीयको गुनासो माथिल्लो निकायमा पठाई सकिएको भन्दै उनले भने, ‘समस्या छिट्टै समाधान हुनेमा आशावादी छौं ।’ सेनाले स्थानीयको जग्गा अतिक्रमण नगरेको तर्क गर्दै उनले हकभोग गर्न दिएपनि सुरक्षाका कारण संरचना बनाउन मात्र नदिइएको दाबी गरे । 

२०५८ सालमा स्थापित नेपाली सेनाको इमल्सन प्लान्टको दुई सय मिटर वरिपरि संरचना बनाउन नपाईने कानूनी ब्यवस्था रहेको सेनाले जनाएको छ । प्लान्टले नेपाली सेना र पूर्वाधार निर्माण, जलविद्युत, सडक निर्माण विकास निर्माणको लागि आवश्यक बिस्फोटक पदार्थ उत्पादन गर्दै आएको छ । प्लान्टको विस्फोटक पदार्थ उत्पादन क्षमता एक हजार दुई सय मेट्रिकटन भएपनि नेपालमा दुई हजारदेखि चार हजार पाँच सय मेट्रिक टन विस्फोटक पदार्थ आवश्यक पर्ने अनुमान छ ।
 




loading...


ताजा समाचार

तासको खालमा प्रचण्ड !
 तिहारमा माओवादी केन्द्रका अध्यक्ष पुष्पकमल दहाल प्रचण्ड आफ्ना परिवारका सदस्यहरुसँग बसेर तास खेलेको तस्विर सामाजिक सञ्जालहरुमा देखिएको छ ।...
prachanda-1508644710.jpg
पालुङमा गाडी पल्ट्यो
थाहा नगरपालिका वडा नम्बर २ मा ट्रक पल्टिएको छ । ४ कार्तिक साँझ थाहानगरको पालुङ स्याउली बजारबाट फेदीगाउँतर्फ गइरहेको ना २ ख ९२६३ नम्बरको गाडी पल्टिएको...
acc-1508648932.jpg
बाम गठबन्धनमा जनमोर्चा पनि सामेल
नेकपा एमाले र नेकपा माओवादी केन्द्रको बाम गठबन्धनमा राष्ट्रिय जनमोर्चा पनि सामेल भएको छ । आशन्न प्रतिनिधि सभा र प्रदेश सभाको निर्वाचनमा प्यूठान र...
KC-Ba-1508633844.jpg
गोरखा २ मा बाबुराम र नारायणकाजीबीच प्रतिस्पर्धा
सिट बाँडफाँटमा कुरा नमिलेपछि वाम गठबन्धबाट बाहिरिएका नयाँ शक्ति पार्टीका संयोजक डा. बाबुराम भट्टराई गोरखा निर्वाचन क्षेत्र नं. २ बाट चुनाव लड्ने...
N&B-1508566990.jpg

लोकप्रिय समाचार

क्या राम्रो चित्लाङ जाने रोड, संगसंगै घुम्न जाऊँ ए सानु पालुङ शिखरकोट [हेर्नुहोस् भिडियो ]
लोक दोहोरी गित ‘चित्लाङ जाने रोड’ एल्बम सार्वजनिक भएको छ । मकवानपुर थाहानगरका रुपचन्द्र सापकोटा र कमल वलीको स्वरमा क्या राम्रो चित्लाङ जाने रोड,...
CVR-1507534641.jpg
एमाले नेता राना सर्वसम्मत प्रदेश सभाको उमेद्वार
नेकपा एमाले प्रदेश नम्बर ३ का सदस्य रामेश्वर राना प्रदेश सभाको उम्मेदवार बन्ने भएका छन् । रानालाई मकवानपुुर क्षेत्र नम्बर ३ बाट सर्वसम्मत रुपमा...
Rameshwor-Rana-1507126589.jpg
को-को छन् माओवादी मकवानपुरका उमेद्वारहरु ?
प्रतिनीधिसभा र प्रदेशसभा निर्वाचनको लागि नेकपा माओवादी केन्द्र मकवानपुरले उम्मेद्वार छनोटको विषयमा छलफल गरेको छ । आगामी २१ मंसीरमा हुने दुई...
MC-Mk-1507214812.jpg
हेटौंडाको शिवम् सिमेन्टमा कर्मचारी माग, ५० हजारसम्म तलब
हेटौंडाको शिवम् सिमेन्टमा कर्मचारी माग भएको छ । शिवमले मेरो जागिर डटकम मार्फत कर्मचारी माग गरेकेो हो ।  विज्ञापन हेर्न र एप्लाई गर्न यहाँ क्लिक...
Sivam-1507364026.jpg
थाहा नगरपालिका प्रतिपक्षबिहिन ?
नेकपा एमाले र नेकपा माओवादी केन्द्रबीचको केन्द्रीय सहमतिले थाहानगरमा पनि तरङ्ग ल्याइदिएको छ । चुनावी तालमेलसम्मको कुराले त त्यस्तो तरंग पैदा...
CVR-1507376552.jpg