Monday, 18th December, 2017
वि.स.

उर्लेनीको जङ्गलमा सयौं गाडी अलपत्र(अपडेट)
त्रिभुवन राजपथ अवरुद्ध

alpatra-gadiharu-1502645090.jpg

शनिबार राती परेको भीषण वर्षाका कारण मुलुकको जेठो त्रिभुवन राजपथको हेटौंडा–पालुङ खण्डमा दर्जनौं स्थानमा पहिरो गएको छ । पहिरोले सडक जाम भएपछि सडक विभागको प्रयासका बावजुद  सैयौं ठूला गाडीहरु राजपथको महाभीर–बाघमारा खण्डको जङ्गलमा आइतबार राती यो समाचार तयार पार्दासम्म अलपत्र परेका छन् । 
राजपथ अन्तर्गतको बाह्रघुम्ती, आधामार, अघोर, महाभीर, मानेभन्ज्याङ लगायतका स्थानमा पहिरो गएर अवरुद्ध भएको सडक डोजरको सहायताले खुलाए पनि बाघमारा–महाभीर खण्डको उर्लेनी भन्ने स्थानमा दुई सयमिटर माथीको पहाडबाट झरेको पहिरो र ढुंगाले सडक पुरिँदा गाडी तथा यात्रुहरु अलपत्र परेका हुन् । 
शनिबार रातीको पहिरोले राजपथको दर्जैनौं स्थानमा पहिरो गई  सवारी अवरुद्ध भएको खबर पाएपछि सडक विभाग हेटौंडाले यातायात व्यवस्था सुचारु गर्न पालुङ र हेटौैंडाबाट डोजरसहित कर्मचारीहरु परिचालन गरेको थियो । पालुङबाट गएको डोजरले घन्टौं लगाएर अघोर, मानेभन्ज्याङ, महाभीर लगायतको स्थानमा सडकमा थुप्रिएको पहिरो पन्छाउँदै गयो भने हेटौंडाबाट आएको डोजरले बाघमारा, बाह्रघुम्ती, आधामार लगायतको पहिरो हटाउँदै आयो । तर, महाभीर नजिकैको उर्लेनीभन्ने स्थानमा पहिरो गएर सडकमै अड्एिको अजङको चट्टान हटाउन सकेन ।
दुइवटै डोजरले ५ घण्टा लगातार प्रयास गर्दा पनि सडक नै छोपिने गरी अडिएको चट्टान हटाउन नसक्दा ठूला गाडीहरुलाई आउजाउमा सहज बनाउन नसकिएको प्रहरी चौकी भैंसेका प्रहरी सहायक निरीक्षक(असई) लक्ष्मण गोलेले बताए । सडक विभागको कर्मचारीहरु सहित प्रहरीको तर्फबाट असई गोलेको नेतृत्वमा प्रहरी टोली सडक खुलाउने कार्यमा खटिएको थियो । 
दुई सय मिटर माथिबाट आएको पहिरोको कारण सकडमा जम्मा भएको कमजोर भाग दुईवटा डोजरको सहायताले हटाएर सुमो, माइक्रोजस्ता साना गाडीहरुको लागि बाटो खुलाउन सफल भए पनि भयानक ढुंगा हटाउन नसक्दा ठूला गाडीहरु ‘पास’ हुन समस्या भएको गोलेले बताए । 
सडक विभागको लामो प्रयासपछि उर्लेनीमा साना गाडीहरुका लागि बाटो खुले पनि सडक जाममा परेका सैयौं गाडीहरु सुचारु गर्न ट्राफिक समस्या भएका कारण साना गाडी तथा मोटरसाइकलका लागि समेत समस्या भएको छ । सानो गाडीमात्र छिर्ने बाटो खु्लाइएको र उक्त स्थानमा अत्यन्त चिप्लो भएकोले साना गाडीहरुलाई समेत समस्या भएको र ट्राफिक समस्याका कारण साना गाडीहरु निस्किन समस्या भएको मोटरसाइकल चालक कृष्णकाजी प्रधानले बताए । ‘म बल्ल बल्ल उम्किएँ, यस्तै हो भने साना गाडीहरुलाई पनि समस्या छ,’ उनले भने । सडकमा ५०० भन्दा बढी गाडीहरु अलपत्र परेको उनले जानकारी दिए । 
पहिरोका कारण टाटा सुमो चल्ने काठमाण्डौं–सिस्नेरी–हेटौंडा सडक र मुलुककै सबैभन्दा धेरै गाडी चल्ने नारायणगढ–मुग्लिङ खण्ड अवरुद्ध भएपछि बैकल्पिक मार्ग(बाइरोड)को रुपमा साना तथा ठूला गाडीहरु त्रिभुवन राजपथ भएर आउजाउ गर्ने क्रममा अलपत्र परेका हुन् । 
शनिबार राती त्रिभुवन राजपथको बाघझोरामा बाढी आउनुका साथै अघोर, महाभीर, उर्लेनी, आधामार, तीलटार, बाघमारा लगायतका स्थानमा पहिरो गएर सडक अवरुद्ध भएपछि सो रुटमा चलिरहेका गाडीहरु बीचैमा रोकिएका थिए । रोकिएको चौबीस घण्टा वित्दा पनि सडक नखुलेपछि सवारी चालक, सहयोगी तथा यात्रुहरु भोक र तिर्खाले छट्पटिन थालेका छन् । 
बीरगन्जबाट काठमाण्डौंका लागि प्लास्टिकको सामान लिएर आएको गाडीचालक शंकरमान रन्जितकारले भने, ‘तल्लोबाटो(पृथ्वी राजमार्ग)मा पहिरो गएको छ भनेर यो बाटो आइयो, झन अलपत्र परियो ।’ 
यात्रुहरु जंगलको बीचमा परे पनि झण्डै ७ किलोमिटर पर बाघमारा बजारका केही व्यापारीले पहिरो स्थानमै लगेर बिस्कुट, चाउचाउ, पानी लगायत खाद्य सामग्रीहरु बेचिरहेका छन् । मोटरसाइकलमा ओसारेर विहानै देखि खाद्य सामग्री विक्री गरिरहेको बाघमाराका किराना व्यवसायी सुदर्शन पुडासैनीले बताए ।
२०५० सालपछि त्रिभुवन राजपथमा यति धेरै स्थानमा पहिरो गएको यो पहिलो हो । राजपथ माथिको पहाडबाट पहिरो झरेर पुरिएको सडक खुलाइए पनि केही स्थानमा सडक नै भासिएर र चोइटिएर गएकोले थप चुनौति देखिएको छ । 
राजपथको १२ घुम्तीमा चौडापट्टी सडकको एक तिहाइ भाग नै बगेर गएको छ भने बाघमारामा त्यति नै भाग खसेको छ । बाघमारामा खतराको संकेत गर्दै सडक विभागले झण्डा गाडेको छ । 
१२ बैशाख २०७२को भूकम्प पछि थिलथिलो बनेको त्रिभुभवन राजपथ साउनको अन्तिम साताको भारी वर्षाले झनै कमजोर भएको छ । सरकारले त्रिभुवन राजपथमा  १० चक्के र सो भन्दा माथिको गाडी चलाउन बन्द गर्ने निर्णय गरे पनि कार्यान्वयन हुन नसक्दा उत्तिकै समस्या भएको छ । 


 

http://bikaskhabar.com/public/images/users/BK-1511251120.png

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)




loading...


ताजा समाचार

पालुङ जेसिजको अध्यक्षमा अमात्य निर्वाचित
पालुङ जेसीजको वर्ष २०१८ का लागि अध्यक्षमा विजयश्याम अमात्य निर्वाचित भएकाछन् । अमात्यसर्वसम्मत निर्वाचित भएका हुन् । २ पौषमा भएको साधारसभा पश्चात् ३...
BJY01-1513561766.jpg
एमालेसँगको एकतामा जाँदैनौ‌ंः रायमाझी
चुनावको परिणामलाई कसरी लिनुभएको छ ? हरेक संसदीय निर्वाचनमा सपनाहरुको व्यापार हुन्छ । विकासको बकम्फुसे नाराहरु तेर्साईन्छ । र, त्यसैको आधारमा...
Jagrit-CVR-1513522667.jpg
प्रधानमन्त्री र पार्टी अध्यक्ष को हुन्छ ? पढ्नुहोस् ओली र प्रचण्डको जवाफ
पार्टी एकता पहिले कि सरकार गठन ? प्रधानमन्त्री केपी ओली बनेपछि एकीकृत पार्टीको अध्यक्षचाहिँ को ? प्रधानमन्त्री र पार्टी अध्यक्ष आलोपालो गर्ने हो कि ?...
prachanda-kp-oli-1513517908.jpg
सकियो पालुङ जेसिजको १७ औं वार्षिक साधारण सभा, अध्यक्षमा निर्वाचन नै हुने संकेत
मकवानपुरको थाहानगरमा सामाजिक क्षेत्रमा क्रियाशील पालुङ जेसिजको १७ आंै वर्षिक साधारण सभा २ पौषमा सम्पन्न भएको छ । थाहानगरका उपप्रमुख खड्ग गोपालीको...
Kabi-1513520126.jpg
मकवानपुरमा यात्रु ठग्ने चालक सहित सवारी साधन प्रहरी नियन्त्रणमा
जिल्ला प्रहरी कार्यालय मकवानपुरले सुमोमा यात्रा गर्ने यात्रु ठग्ने चालक तथा टिकट काउन्टरमा रहने कर्मचारीलाई पक्राउ गरेको छ । हेटौँडाबाट काठमाण्डौँ...
Thagi-1513515523.jpg

लोकप्रिय समाचार

मकवानपुरमा समानुपातिकमा को अगाडि ? (हेर्नुहोस् मत सहित)
२१ मंसिरमासम्पन्न प्रतिनिधि तथा प्रदेशसभा निर्वाचन अन्र्तगतको सामानुपातिक सांसदको लागि मतगणना सुरु भएको छ । यस्तो छ हालसम्मको मतपरिणाम: नेकपा...
matgadana-1512987351.jpg
मोटरसाइकल हराए मकवानपुरमा पूर्व गृहराज्यमन्त्रीको चुनावमा भेटिन सक्छ है !
पूर्व गृहराज्य मन्त्रीसमेत रहेका नेपाली कांग्रेस मकवानपुरका सभापति र्इन्द्रबहादुर बानियाँको चुनावी प्रचारमा चोरीको मोटरसाइकल प्रयोग भएको खुलेको...
Police-1511360665.jpg
पहिलो पल्ट जसले रुपचन्द्र विष्ट हराए अहिले काँग्रेस नेतृलाई
मकवानपुर क्षेत्र नम्बर २ बाट नेकपा एमालेका बिरोध खतिवडा विजयी भएका छन् । उनले कांग्रेसकी नेतृ महालक्ष्मी डिना उपाध्यायलाई ११ हजार ९६३ मतले हराउँदै...
Birodh-Khatioda_Winner-1512917229.jpg
बानिँयाको पछिपछि स्याङ्तान, २४ हजार ८ सय ९५ मत गनियो
प्रतिनिधिसभा क्षेत्र नम्बर २ अन्तर्गतको प्रदेशसभा २ को ताजा मतपरिणाम अनुसार लोकतान्त्रिक गठबन्धनका उम्मेदवार ईन्द्रबहादुर बानिँयाले १२ हजार २६ मत...
Mk-2-Kha-1512803726.jpg
मकवानपुरमा एउटी महिला लडाकूको ह्याट्रिक
१६ वर्षको उमेरमा सशस्त्र युद्वमा होमिएकी महिला लडाकु कुमारी मोक्तानले तेस्रो पटक संसदको यात्रा तय गरेकी छिन् ।वाम गठबन्धनबाट नेकपा माओवादी...
Kumari-1512990482.jpg