Sunday, 17th February, 2019
वि.स.
Bihuli-002-1532968337.gif

ऐतिहाँसिक ‘टिष्टुङ महोत्सव’ भव्य बनाउन यस्तो छ वृहत्त तयारी 

TT-Cov-1536662425.jpg

मकवानपुरको थाहा नगरपालिका बज्रवाराही (टिष्टुङ)मा यहि २४ असोजबाट शुरु हुने ‘टिष्टुङ महोत्सव–२०७५ को तयारीका बारेमा  जानकारी गराइएको छ । महोतसव आयोजक मूल समारोह समितिले २५ भाद्रमा बज्रवाराहीमा पत्रकार सम्मेलन गरेर तयारीको बारेमा जानकारी गराएको हो । 

‘ऐतिहाँसिक टिष्टुङको पहिचान, सम्वृद्ध टिष्टुङ हाम्रो अभियान’ भन्ने नाराको साथ यहि २४ देखि २७ असोजसम्म आयोजना हुने महोत्सवको बज्रवाराही बजार व्यवस्थापन समिति र न्यू दया भिन्तुना: मूल समारोह समितिले संयुक्त रुपमा महोत्सवको आयोजना गर्न लागेको    हो ।

ऐतिहासिक टिस्टुङ अर्थात् हालको बज्रवाराहीमा फरक र मौलिक ढंगको महोत्सव हुने मूल आयोजक समारोह समितिका संयोजक इन्द्रबहादुर श्रेष्ठले बताए । महोत्सवलाई व्यवस्थित रुपमा संचालनको मूल समारोह समिति र अरु विविध २९ वटा विषयगत उपसमितिहरु गठन भइसकेको पत्रकार सम्मेलनमा जानकारी गराइएको थियो । महोत्सवका लागि स्थानीय व्यवसायीहरु, राजनीतिक दल, वडा समिति लगायत सरोकारवालाहरुसँग व्यापक छलफल भइरहेको संयोजक श्रेष्ठले बताए । वार्षिक रुपमा नेपाल संवतलाइ उत्सवको रुपमा मनाउँदै आएको टिष्टुङको सोही उत्सवलाई महोत्सवको रुपमा संचालन गर्न लागिएको थाहा नगरपालिका वडा नं. ६ को वडा अध्यक्ष शशिधर सुवेदीले जानकारी दिए । 

पुर्णतया मौलिक पहिचान दिने गरी आयोजना हुने टिष्टुङ महोतसवमा स्थानीय एत्पादनको प्रवद्धन गरिने छ । उत्पादनलाई बजारसम्म जोड्नको लागि महोतसव फलदायी हुने न्यू दया भिन्तुना: ११३९ का संयोजक प्रमोद जोशीले जानकारी दिए । थाहा नगरको साथै छिमेकी इन्द्रसरोवर गाउँपालिकाको समेत पर्यटन प्रवद्र्धनका लागि योगदान पुग्ने महोत्सवले पर्यटन वर्ष २०२० को लागि टिष्टुङ गन्तव्य तय हुने जोशीको भनाइ छ । 

महोत्सवको मनोरञ्जनात्मक आकर्षलाई प्रष्ट्याउँदै संयोजक श्रेष्ठले भने–स्थानीय नै राष्ट्रिय कलाकार हुन्, उनीहरु हाम्रो प्राथमिकता हो ।’ यसो भन्दैमा अरु कलाकारहरु आउँदै नआउने भने होइनन् । महोत्सवमा सरस्वती बजार पुरै सजाइनेछ । स्थानीय व्यवसायीहरुले आआफ्नो पसल विशेष सजाउने छन् र सामानहरु प्रदर्शन तथा विक्री गर्ने छन् । यसरी सजिने पसलको संख्या एक सयको हाराहारीमा हुने आयोजकको भनाइ छ । यसको अलवा ६० वटा नयाँ स्टल रहनेछन् । हामीले नगर बाहिरका सकेसम्म धेरै मानिसहरु भित्र्याउने हो ताकि उनीहरुले सके केही किनेर नगरमै पैसा छोडेर जाउन्, नसके आँखाभरि थाहा नगरको तस्विर लिएर फर्कुन्–संयोजक श्रेष्ठले स्पष्ट भने । 

महोत्सवको १५ सदस्यीय सचिवालय गठन भइसकेको छ । महोत्सवको प्रदेश ३ का मुख्य मन्त्री डोरमणी पौडेलले उद्घाटन गर्ने कार्यक्रम रहेको छ । महोत्सवका लागि २१ लाख ५० हजार रुपियाँ लागत लाग्ने आयोजकको अनुमान रहेको छ । महोत्सवको संरक्षक थाहा नगरपालिका रहेको छ । महोतसवको सम्पूर्ण आम्दानी खर्च नेपाल संवत ११३९ को दिन कार्तिक २२ गते आयोजकले सार्वजनिक गर्ने जनाएको छ । पत्रकार सम्मेलनमा जिल्ला समन्वय समिति मकवानपुरका सदस्य चित्र बहादुर बलामी, विभिन्न उप समितिका संयोजकहरु तथा मूल समारोह समितिका सदस्यहरुको उपस्थिती रहेको थियो । 
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG