Tuesday, 26th March, 2019
वि.स.
Bihuli-002-1532968337.gif

काँग्रेस नेता बानियाँले गरे पिताको स्मृतिमा बज्रबाराहीमा एम्बुलेन्स हस्तान्तरण

Ambulll-1550569961.jpg

नेपाली कांग्रेस ३ नम्बर प्रदेश संसदीय दलका नेता एवं कांग्रेस मकवानपुरका सभापति ईन्द्रबहादुर बानियाँद्वारा थाहा नगरपालिका ६ स्थित बज्रबाराही स्वास्थ्यचौकीलाई प्रजातन्त्र दिवसको दिन मंगलबार स्वर्गीय पिता क्षेमबहादुरको स्मृतिमा एम्बुलेन्स र सुरुमा संचालनको लागि ५० हजार रुपियाँ हस्तान्तरण गरेका छन् । बज्रबाराही स्वास्थ्यचौकी ब्यवस्थापन समितिका उपाध्यक्ष ईन्द्रबहादुर श्रेष्ठको सभाध्यक्षता एवं नेपाली कांग्रेस ३ नम्बर प्रदेशका संसदीय दलका नेता बानियाँको प्रमूख अातिथ्यतामा एम्बुलेन्स कार्यक्रम भएको हो ।

अाफ्ना स्वर्गीय पिता क्षेमबहादुरको स्मृतिमा नेता बानियाँ, उहाँकी धर्मपत्नी दीपा पौडेल बानियाँ, छोरी दीक्षा बानियाँलगायत विशिष्ट अतिथिहरुले संयुक्तरूपमा स्वास्थ्यचौकी व्यवस्थापन समितिका उपाध्यक्ष तथा स्वास्थ्यचौकी प्रमुखलाई हस्तान्तरण गरेका हुन् । एम्बुलेन्स वितरण कार्यक्रममा नेता बानियाँले स्वर्गीय पिता क्षेमबहादुरको स्मृतिमा एम्बुलेन्स र सुरुको अवस्थामा एम्बुलेन्स संचालन गर्न ५० हजार रकम दिए । केहीदिन अघि नेता बानियाँले स्वर्गीय पिताको स्मृतिमा राईगाउँ स्वास्थ्यचौकी र स्वर्गीय दाजु राजकुमार बानियाँको स्मृतिमा हेटौंडा उपमहानगरपालिका १८ को हर्नामाडी स्वास्थ्यचौकीलाई एम्बुलेन्स वितरण गरेका थिए। कार्यक्रममा विशिष्ट अतिथि नेपाली कांग्रेसकी केन्द्रीय सदस्य महालक्ष्मी उपाध्याय डिना, अतिथिहरु थाहा नगरपालिकाका मेयर लवशेर विष्ट, नेपाली कांग्रेस थाहा नगर सभापति योगेन्द्रमान श्रेष्ठ, थाहा बज्रबाराही स्वास्थ्यचौकी प्रमुख सजिता पराजुलीले मन्तव्य व्यक्त गरे ।

एम्बुलेन्स हस्तान्तरण कार्यक्रममा कांग्रेस महासमिति सदस्यद्वय दीनेश उपाध्याय र जयराम लामिछाने, जिल्ला सदस्यहरु कृष्णभक्त श्रेष्ठ, शुशान्त श्रेष्ठ, २ नम्बर क्षेत्रीय सभापति यतिराज सापकोटा, ४ नम्बर क्षेत्रीय सभापति लोकबहादुर मुक्तान, थाहा नगर उपमेयर खडगबहादुर गोपाली, हेटौंडा नगर सभापति अानन्दराम पराजुली, कांग्रेस मकवानपुरका सूचना प्रमुख सुजन विडारी, महिला संघ जिल्ला सचिव निलम देवकोटा, तरुण दल जिल्ला सचिव सचित थापा, थाहा नगरका १ र ९ का वडा अध्यक्षहरु हेरमान गोपाली र पर्शुमान श्रेष्ठ, जनप्रतिनिधिहरु एवं स्थानीयको उपस्थिति रहेको थियोे ।







Plant-1526723778.JPG