Wednesday, 17th October, 2018
वि.स.
subhakamana-1538193167.gif

मोटरसाइकल हराए मकवानपुरमा पूर्व गृहराज्यमन्त्रीको चुनावमा भेटिन सक्छ है !

पूर्व गृहराज्य मन्त्रीसमेत रहेका नेपाली कांग्रेस मकवानपुरका सभापति र्इन्द्रबहादुर बानियाँको चुनावी प्रचारमा चोरीको मोटरसाइकल प्रयोग भएको खुलेको छ । बानियाँ मकवानपुर क्षेत्र नम्बर २ को प्रदेशसभा ख मा उम्मेदवार छन् । ६ मंसिर बिहान थाहा नगरपालिकाको गैरीगाउँमा प्रहरीले चालकसहित दुई मोटरसाइकल बरामद गरेपछि बानियाँको चुनावमा चोरीको मोटरसाइकल प्रयोग भइरहेको रहस्य खुलेको हो । पक्राउ पर्नेमा साबिक गोगने गाविस ८ हाल कैलाश गाउँपालिका वडा नम्बर ६ का सिंहबहादुर मोक्तान छन् ।

६ मंसिर बिहान १० बजे पकनेबाट डाँडाबास जानेक्रममा गैरीगाउँमा प्रहरी टोलीले मोटरसाइकल जाँच गर्ने क्रममा दुईवटा बाइक छोडेर सिंह बहादुरसहितका युवा भाग्न खोजेका थिए । नेपाली कांग्रेसको झण्डा बाइकमा बाँधेका उनीहरुले प्रहरी देख्नासाथ झण्डा फालेका थिए । सोही क्रममा सिंहबहादुर पक्राउ परेको प्रत्यक्षदर्शीले बताए । उनीहरु केहीदिनदेखि निरन्तर कांग्रेसको झण्डा हालेर बाइक चलाएर गाउँमा हिँडिरहेको स्थानीयले बताए । बरामद गरिएका दुई मोटरसाइकल चोरीको भएको पुष्टि भएको छ ।

धादिङको गल्छीका आयस ठकुरीको नाममा रही कलंकीबाट हराएको नम्बर प्लेट नै नरहेको मोटरसाइकल बरामद भएको हो । त्यसैगरी बा ४२ प ९४०७ नम्बरको मोटरसाइकल काठमाडौँ २१ का शरण पौडेलको नाममा रहेको पत्ता लागेको छ । महानगरीय ट्राफिक प्रहरी बृत्तलाई इञ्जिन नम्बरसहित पत्राचार गरेपछि चोरीका मोटरसाइकल भएको खुलेको हो । केहीदिन अघि नेपाली कांग्रेसले गोगनेको बाइसेमा आयोजना गरेको कार्यक्रममा यी दुबै बाइक प्रयोग भएको स्थानीयले बताए ।

उनीहरुले चोरीका बाइकसमेत जम्मा गरेर आचारसंहिता बिपरित चौकीटार हुँदै कटहरेसम्म मोटरसाइकल ¥याली गरेका थिए । ¥यालीपछि बाइसेमा आयोजित कार्यक्रममा पूर्वगृहराज्य मन्त्री र्इन्द्रबहादुर बानियाँलगायतका नेता सहभागी भएका थिए । प्रहरीका अनुसार बाइक छोडेर भाग्ने अन्य युवामा कैलाश ६ कै बीरसिंह मुक्तान र बिजय मोक्तान रहेका छन् । उनीहरुको खोजी कार्य भइरहेको प्रहरीले जानकारी दिएको छ । फरारहरु पक्रन प्रहरीले प्रयास गरिरहेको इलाका प्रहरी कार्यालय पालुङका प्रहरी निरीक्षक वीरेन्द्र पासवानले बताए । केही दिनदेखि स्थानी कांग्रेस कार्यकर्ता नयाँ नयाँ बाइक चढेर बानियाँले दिएको बाइक भन्दै गाउँमा हिँड्ने गरेका पाइएको स्थानीयले बताए । चुनाव प्रचारका लागि आएको बाइक भनेर स्थानीयले खासै चासो देखाएका थिएनन् ।

तर, प्रहरीले पक्राउ गरेपछि मात्रै ती बाइकहरु चोरीको भएको पाइएको थियो । पक्राउ परेको मोटरसाइकल र सिंहबहादुर मुक्तानलाई आवश्यक कारबाहीका लागि महानगरीय प्रहरी बृत्त काठमाडौँ पठाइएको छ ।

http://bikaskhabar.com/public/images/users/DIGO-copy-1533381581.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)




Bihuli-002-1532968337.gif
loading...
Plant-1526723778.JPG


ताजा समाचार

जिल्ला विजेता खेलाडीहरुलाई थाहानगरको बधाई
मकवानपुर थाहानगर खेलकुद विकास समितिका खेलाडीहरुलाई बडा दशैको शुभकामना सहित थाहा नगरपालिकाले बधाई ज्ञापन गरेको छ । हेटौंडामा संचालन भएको स्वर्गिय...
sp01-1539704469.jpg
सेनाको सलामी सहित पालुङको दशै घरमा यसरी  फुलपाती भित्र्याइयो
पालुङको ऐतिहासिक दशै घरमा वर्षौदेखि तोडिएको परम्परा ब्युताउँदै यसवर्ष फुलपाती भित्र्याइएको छ । मकवानपुरको आग्राको चल्तीबाट फुलपाती ल्याएर...
IMGL0579-1539703872.JPG
तेस्रो थाहा महोत्सवमा छुट्टै ‘पर्यटन जोन’
दामन आफै मनोरम, भ्यूटावर त्यहीँ । डाँडाबास आफैमा सुन्दर, दिनैभरि सूर्य र बादलको लुकामारी चल्छ । बज्रवाराही, त्रिवेणीधाम, ऋषेश्वर, पाण्डुकेश्वर,...
markhu..-1539666103.jpg
पालुङ भ्याली हार्टको दशैं शुभकामना तथा चियापान
बडा दशैं २०७५ को अवसरमा थाहा नगरपालिका–३ मा रहेको पालुङ भ्याली हार्ट एकेडेमीले दशैं विशेष शुभकामना तथा चियापान कार्यक्रम गरेको छ । शिक्षक, विद्यालय...
pvha-1539614188.jpg
थाहा महोत्सवका लागि नब्बे प्रतिशत  स्टल बुकिङ
मकवानपुरको प्रमुख पर्यटकीय क्षेत्र थाहानगरस्थित इन्द्रायणी चौरमा आगामी १० कात्तिकदेखि १८ गतेसम्म हुन लागेको तेस्रो थाहा महोत्सवका लागि धमाधम स्टल...
Thahamaaaaaaaaaa-1539617140.jpg

लोकप्रिय समाचार

बाटो खुल्यो मोटर चल्यो, चित्लाङ–थानकोटको.....
मकवानपुरेको पर्यटकीय नगरी थाहा नगरपालिकाकलाई काठमाण्डौं जोड्ने सबैभन्दा छोटो मार्ग चित्लाङ थानकोट रुटको गणेशमान सिं मार्ग संचालनमा आएको छ । सडकको...
Chandra-1539571149.jpg
विप्लवका कार्यकर्ताद्वारा थाहानगरको मालपोत कार्यालय तोडफोड
मकवानपुर थाहा नगरपालिका थाना बजार स्थित मालपोत कार्यालय शिखरकोटमा नेपाल कम्युनिष्ट पाटी (विप्लव) ले तोडफोड गरेको छ । १४ असोज विहान सवा ११ बजेतिर...
Malll-1538291326.jpg
सरकार र सवारी चालकबीच आठ बुँदे सहमति भएपछि आन्दोलनका कार्यक्रम फिर्ता
सरकार र सवारी चालकबीच आठ बुँदे सहमति भएपछि आन्दोलनका कार्यक्रम फिर्ता भएका छन् । सरकार र आन्दोलनकारी सवारी चालकहरुबीच आठ बुँदे सहमति भएसँगै...
Bana-1537530594.jpg
ऐतिहासिकता झल्काउन टिष्टुङ महोत्सव
गाउँ/नगरमा कुनै उत्सव तथा मेला सञ्चालन गर्नु परे के गरिएला ? यसको उत्तर सजिलो छ, चन्दा संकलन प्रयोजकको खोजी यस्तै-यस्तै । अनि आफ्नो ठाउँको प्रचार तथा...
TT-CVR10-1537274214.jpg
थाहा नगरपालिकाको टौखेलमा आइचर पल्टियो
मकवानपुर थाहा नगरपालिका वडा नं.१० टौखेलमा मा आइचर गाडी पल्टिएको छ । २ असोज विहान पौने १० बजेतिर इटा लिएर टौखेल पुगेकोना ६ ख ३२२२ नम्बरको आइचर इटा...
Aaichar-1537245455.jpg