Sunday, 24th March, 2019
वि.स.
Bihuli-002-1532968337.gif

किशोरी समूहलाई एक लाख

Kishori-Samuh-Lai-1-Lakh-1547141491.JPG

पूर्वी मकवानपुरको बकैया गाउँपालिका ७ स्थित रक्षा उज्वल किशोरी समूहलाई एक लाख रुपैंयाको चेक हस्तान्तरण गरिएको छ । रक्षा नेपालले दातृ निकायको सहयोगमा किशोरी समूहलाई घुम्ती कोषका लागि उक्त रकम दिएको हो ।

मकवानपुरसँगै काभ्रेको बेथानचोक, सिन्धुलीको ज्यामिरे, नुवाकोटको कुवरी र ललितपुरको गिम्दीका किशोरी समूहलाई पनि एक–एक लाख रुपैंया प्रदान गरिएको रक्षा नेपालले जनाएको छ । कार्यक्रममा रक्षा नेपालकी अध्यक्ष मेनुका थापा, कार्यक्रम निर्देशक रत्नकाजी बज्राचार्य, बकैया गाउँपालिका ७ का वडा सदस्य किशोर थापा मगर, स्थानीय जनक माध्यमिक विद्यालयका प्रधानध्यापक धर्मप्रसाद दाहाल लगायतले मन्तव्य व्यक्त गरेका थिए ।

यसैबिच, रक्षा उज्वल किशोरी समूहमा आबद्ध सबै २५ जना किशोरीलाई न्यानो कपडा पनि वितरण गरिएको छ । कार्यक्रममा बकैया गाउँपालिका ७ की वडा सदस्य शान्ति बिक, जनक माध्यमिक विद्यालयका अध्यक्ष विकास बोम्जन, स्थानीय आमा समूहकी अध्यक्ष शर्मिला राई लगायतको आतिथ्य रहेको थियो । रक्षा उज्वल किशोरी समूहकी अध्यक्ष सृजना लामिछानेको अध्यक्षतामा भएको कार्यक्रममा किशोरीहरुले गित तथा नृत्य पनि प्रस्तुत गरेका थिए ।

किशोरी समूहमा सामाजिक, आर्थिक रुपमा पछाडी परेका १३ देखि २२ बर्षसम्मका २५ किशोरी आबद्ध छन् । समूहमा पिछडिएको, आदिवासी जनजाति, दलित, गरिब, सिमान्तकृत, जोखिमयुक्त, शारिरीक रुपमा अपाङ्ग, एकल आमा वा बाबुको छोरीलाई प्राथमिकता दिईएको बताईएको छ ।

३ बर्षे किशोरी कार्यक्रमको मुख्य उदेश्य सबै किशोरीलाई उद्यमी बनाउने रहेको संस्थाले जनाएको छ । संस्थाका अनुसार हाल १५ किशोरीले व्युटी पार्लर, १० किशोरीले सिलाई र १२ किशोरीले कुखुरा, बाख्रापालन गरिरहेका छन् भने आर्थिक विपन्न किशोरीहरुलाई कलेज तथा विद्यालय पढाउन सहयोग गरिरहेको छ ।
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)

Plant-1526723778.JPG