Saturday, 19th January, 2019
वि.स.
Bihuli-002-1532968337.gif

चोरी निकासी चुनौति बन्यो–पाख्रिन

Ban-1478961123.jpg

इलाका वन कार्यलय पालुङका प्रमुख कालु पाख्रिनले सामुदायिक वनहरुबाट काष्ट र गैरकाष्ट वन पैदवार चोरी निकासी रोक्न चुनौति थपिएकोले त्यसलाई नियन्त्रण गर्नु आवश्यक रहेको बताएकाछन् । सामुदायिक वन संरक्षणमा जुटेका उपभोक्ता समितिहरुले संरक्षणको साथसाथै त्यस्ता चोरी निकासी गर्नेहरुको पनि निगरानी गर्नुपर्ने ओल्याए । मकवानपुर थाहा नगरपालिका वडा नम्बर ५ मा रहेको हिमचुली सामुदायिक वन उपभोक्ता समितिको तेस्रो वार्षिक साधारण सभाको उद्घाटन गर्दे पाख्रिनले यस्तो बताएका हुन् ।

थाहानगरेको चुच्चे ढुङ्गा युवा क्लबको हलमा भएको सभा समितिका अध्यक्ष धर्म बहादुर तामाङको सभाध्यक्षतामा भएको थियो । कार्यक्रममा सहभागीहरुलाई टंक बहादुर कार्कीले स्वागत गरेका थिए । साधारणसभामा समितिका सचिव श्याम तामाङले समितिले आर्थिक वर्ष ०७२/०७३ को प्रगति तथा आर्थिक विवरण प्रस्तुत गरेका थिए । साधारणसभामा अध्यक्ष तामाङले वनको उपभोगको साथैं संरक्षणमा पनि उपभोक्ताहरु प्रतिवद्ध रहेको धारणा राखे । उनले आफ्नो मन्तव्यमा उपभोक्ताहरुलाई वनको महत्व दर्शाए ।

समितिका सचिब तामाङले सञ्चालन गरेको कार्यक्रममा नेपाली काँग्रेस थाहानगर प्रतिनिधि चन्द्र तामाङ, नेकपा एमालेका प्रतिनिधि विर बहादुर तामाङ, राप्रपा नेपालका क्षेत्रिय प्रतिनिधि कुलमान तामाङ, थाहा ५ का वडा नागरिक मञ्चका हिरा बस्नेत, निवर्तमान अध्यक्ष शंकर तामाङलगायतको आतिथ्यको रहेको थियो।

-जनक लामा

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG