Wednesday, 20th March, 2019
वि.स.
Bihuli-002-1532968337.gif

जेनेरेटर जोडियो, स्वास्थ्य सेवामा सहजः–समाचार प्रभाब

IMG_20180429_134928-1525169352.jpg

उत्तरी मकवानपुरका थाहा नगरपालिका–४, दोवोटोमा रहेको पालुङ प्राथमिक स्वास्थ्य केन्द्रमा जेनेरेटर जडान गरिएको छ । सेवाको हिसाबले २४ सै घण्टा स्वास्थ्य सेवा प्रदान गर्दै आइरहेको केन्द्रमा हाल दिनहुँ जसो बत्ति जाने समस्याले गर्दा स्वास्थ्य सेवामा प्रभावकारीता ल्याउन नसके पछि समस्या समाधान स्वरुप जेनेरेटर जडान गरिएको हो । वि.सं.२०२८ साल देखि सञ्चालनमा रहेको पालुङ प्राथमिक स्वास्थ्य केन्द्र सेवा लिनको लागि उत्तरी क्षेत्रका बासिन्दाहरुकै लागि सेवा लिने थलो हो । 
सेवाको हिसाबले सशुल्क रुपमा एक्सरे सेवा र निशुल्क रुपमा प्रयोगशाला (ल्याब), चेकजाच, सामान्य शल्यक्रिया तथा आन्तरीक फोर्मेसी (औषधी) लगायतका नियमित सेवाहरु प्रदान गर्दै आइरहेको केन्द्रमा बत्तिको कारण प्रभावकारी सेवा नभएको गुनासो दिनानुदिन सेवाग्राहीहरुले गर्न थाले पछि समाचार प्रकाशन गरिएको थियो । उक्त समाचारको प्रभाव स्वरुप हाल स्वास्थ्य केन्द्रमा जेनेरेटर जडान गरिएको छ । स्वास्थ्य केन्द्रमा बिजुलीको बैकल्पिक ब्यवस्था नहुँदा समस्या भएको समाचार बाहिर आएपछि स्वास्थ्य संस्थामा रहेको पुरानो जेनेरेटर मर्मत गरेर प्रयोगमा ल्याउने थाहा नगरपालिकाका नगरप्रमुख लबसेर बिष्टले बताएको थियो । हाल मर्मत गरिएको जेनेरेटरलाई प्रयोगमा ल्याइएको संस्थामा कार्यरत स्वास्थ्यकर्मीहरुले बताएका छन । 
बिजुलीको बिकल्पको रुपमा कुनै पनि उपाय नभए पछि ब्यवस्थापन पक्षले प्राथमिक स्वास्थ्य केन्द्रमा बिग्रीएर रहेको जेनेरेटरलाई मर्मत गरी प्रयोगमा ल्याउने प्रयास गरेको हो । सेवा प्रदानमा समस्या भइरहँदा र सेवा ग्राहीले समेत गुनासो गर्न थलेपछि मर्मत गरिएको जेनेरेटर हाल बिजुली नभएको अवस्थामा प्रयोग गरिने गरेको  ल्याब टेक्निशियन रमेश खड्काले बताए । 


 “जेनेरेटरको तार फिट गर्ने मान्छे नै नआएकोले जेनेरेटरको प्रयोग गर्न नसकिएको हो, अब नगरपालिकालाइ भने तर पनि मान्छे नै नभएपछि कसरी जडान गर्ने अनि चलाउने हामीलाई समस्या भयो ।” –डाक्टर रिनेश अधिकारीले जवाफमा भनेका थिए भने “ लाइन जोड्ने प्राबिधिक नभएर हो, बत्ति जाँदा र नजाँदाको समयको लागि छुट्टा छुट्टै लाइनको ब्यवस्था गर्नुपर्ने र प्राबिधिक ब्यवस्था नमिल्दा बिजुलीको बिषयमा फेरी अर्को समस्या देखा पर्न सक्ने भएको कारण दक्ष प्राबिधिकको पर्खाइमा रहेको हो, चाडै नै समाधान गर्ने छौँ”– पालुङ प्राथमिक स्वास्थ्य केन्द्र ब्यवस्थापन समितिका अध्यक्ष दिपक सिं लामाले भनेका थिए । जस अनुसार नै निरन्तर बिजुली जाने समस्यालाई मध्यनजर गर्दै स्वास्था सेवामा सहजता र प्रभावकारिता ल्याउन जेनेरेटर जडान गरि  प्रयोगमा ल्याइएको  ब्यवस्थापन समितिका अध्यक्ष दिपक सिं लामाले बताए ।

http://bikaskhabar.com/public/images/users/44-1521117090.jpg

मञ्जरी बलामी

[email protected]

बलामी, विकासखबर डटकमका संवाददाता हुन् । उनी मकवानपुरको थाहानगरमा रहेर पत्रकारिता गरिरहेकी छिन् ।







Plant-1526723778.JPG