Saturday, 19th January, 2019
वि.स.
Bihuli-002-1532968337.gif

तेस्रो थाहा महोत्सवमा छुट्टै ‘पर्यटन जोन’
डेढ दर्जन प्रमुख पर्यटकीय क्षेत्रहरु एकै ठाउँमा

markhu..-1539666103.jpg

दामन आफै मनोरम,  भ्यूटावर त्यहीँ । डाँडाबास आफैमा सुन्दर, दिनैभरि सूर्य र बादलको लुकामारी चल्छ ।  बज्रवाराही, त्रिवेणीधाम, ऋषेश्वर, पाण्डुकेश्वर, झम्केश्वर, चम्पाकेश्वर धार्मिक महत्वको । चित्लाङको चैत्यलोह सम्राट अशोककालीन, ऐतिहासिक । भेडाफार्म र इन्द्रसरोबर जति पुगे पनि मन नभरिने । कुन्छाल गाउँ पर्यटन गाउँ । थाहा नगरपालिका र आसपासमा रहेका यी सबै स्थानहरु उत्तरी मकवानपुरका प्रमुख पर्यटकीय स्थलहरु हुन् ।
तपाईंलाई यी स्थलहरुमा पुगेर तस्विर खिच्न मन छ भने एउटा अवसर मिलेको छ । आगामी १० कात्तिकदेखि संचालन हुन लागेको तेस्रो थाहा महोत्सवको अवसरमा उत्तरी मकवानपुरको डेढ दर्जन प्रमुख पर्यटकीय स्थलहरुको तस्विरलाई एक ठाउँमा राखेर आयोजकले छुट्टै ‘पर्यटन जोन’ बनाउन लागेको छ । ‘कृषि, पर्यटन र पूर्वाधार, आर्थिक विकासको मूल आधार भन्ने मूल नारा नै हो, महोत्सवमा कृषि र पर्यटनको छुट्टै ‘जोन’ को व्यवस्था गरिने छ,’ आयोजक थाहानगर उद्योग वाणिज्य संघका अध्यक्ष कविराज खत्रीले भने ।
आयोजकका अनुसार महोत्सवमा उत्तरी मकवानपुरका प्रमुख पर्यटकीय स्थलहरुको छुट्टाछुट्टै तस्विर राखिनेछ । फ्लेक्समा राखिने यी स्थलहरुको एउटै तस्विर ८ फिट लम्बाई र ६ फिट उचाइका हुनेछन् । तस्वीरहरुको बीचमा भने दामन भ्युटावरको अग्लो फ्लेक्स राखिनेछ । एउटा तस्वीर थाहा आन्दोलनका प्रणेता रुपचन्द्र विष्टको रहनेछ ।
तस्वीरका सामु उभिएर फोटो खिच्न र उत्तरी मकवानपुरका प्रमुख पर्यटकीय स्थलहरुको बारेमा जानकारी लिने अवसरका लागि पर्यटन जोनले सहयोग गर्ने अध्यक्ष खत्रीले बताए । महोत्सवबाट बालबालिका, नव आगन्तुक र उत्तरी मकवानपुरको प्रमुख पर्यटकीय स्थलहरुको बारेमा चासो लिने जोकोहीलाई लाभ पुग्ने र आगामी दिनमा पर्यटन विकासमा समेत टेवा पुग्ने बताइएको छ ।
महोत्सव आगामी १० कात्तिकदेखि १८ गतेसम्म थाहा नगरपालिका–३ इन्द्रायणी चौरमा सञ्चालन हुनेछ ।

 

 

 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG