Saturday, 19th January, 2019
वि.स.
Bihuli-002-1532968337.gif

तेस्रो थाहा महोत्सवमा दर्शकले भरियो इन्द्रायणी चौर, प्रमोद खरेल प्रस्तुती दिँदै

उत्तरी मकवानपुरस्थित थाहा नगरपालिकाको इन्द्रायणी चौरमा जारी तेस्रो थाहा महोत्सवको आठौं दिन शनिबार दर्शकहरुले इन्द्रायणी चौर भरिभराउ भएको छ । थाहा नगर उद्योग वाणिज्य संघको मुख्य आयोजनामा संचालन भइरहेको महोत्सवको यो अवधिमा शनिबार यसरी अवलोकनकर्ताहरुको खचाखच भएको हो । 
महोत्सवको पहिलो र दोस्रो श्रृङ्खलाहरुमा भन्दा बढी दर्शकहरुको भीड लागेको दर्शकहरुले बताएका छन् । ‘भुईमा खुट्टा राख्ने ठाउँ छैन, मूल गेटबाट मञ्चअगाडिसम्म पुग्नै १५ मिनेट लाग्छ’ एक अवलोकनकर्ताले भने । गेटबाट स्टल हुँदै हिँड्दा काठमाण्डौं असनको गल्लीमा हिँडेजस्तै आभास भएको थाहा नगरका शंकर कार्कीले बताए । 
लाइदेउ न मायाले......बोलको गीत गाउँदै गर्दा लोकप्रिय गायक प्रमोद खरेलले मञ्चबाटै भने, यस्तो भीडभाड कमै मात्र भेटिन्छ । 
यो समाचार तयार पार्दासम्म आफ्नो बेजोड प्रस्तुतीमार्फत् प्रमोद खरेलले दर्शकहरुलाई जुरुकजुरुक उचालिरहेका छन् । अहिलेसम्म उनले म बिना कसैकसैलाई् मुश्किल छ....लाइदेउ न मायाले.......लागी लागी...जस्ता बोलका गीत गाइसकेका छन् । खरेलले गाउने क्रम अझै जारी छ । 
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG