Sunday, 24th March, 2019
वि.स.
Bihuli-002-1532968337.gif

थाहानगरलाई केशवलाल श्रेष्ठ स्मृति भलिबल प्रतियोगिताको उपाधि
नगर प्रमुख विष्टद्वारा बधाई 

Thaha-Vol-1539513346.jpg

केशवलाल श्रेष्ठ स्मृति भलिबल प्रतियोगिताको उपाधि थाहानगर खेलकुद विकास समितिले जितेको छ । २७ असोजमा आयोजक हटिया स्पोटर््स एकेडेमी र थाहा नगर खेलकुद विकास समितिको बीचमा भएको खेलमा पहिलो सेट हटिया स्र्पोट्स एकेडेमीले जितेपनि बाँकी सेटहरुमा थाहानगर हावी हुन सफल भयो । 

थाहानगरले २२–२५, २३–२५ र २४–२६ को सेटमा हटियालाई पराजित गरेको हो । प्रतियोगिताको बेस्ट प्लेयर थाहाका बलराम सुवेदी बने । उनले नगद ५ हजार सहित ट्रफी प्राप्त गरे । त्यसैगरी बेस्ट स्पाईकर हटियाका सुमन नेपाल, बेस्ट व्लकर हटियाका तारा स्याङ्बो, बेस्ट सेटर थाहाका सुशिल तामाङ घोषित भए भने वेस्ट कोचर थाहाका शंकर कार्की घोषित भए । उनीहरु सबैलाई ट्रफी प्रदान गरिएको थियो । 

प्रतियोगितामा वेस्ट कोचर घोषणा भएका शंकर कार्की ।

हेटौंडा उपमहानगरपालिकाका मेयर हरिबहादुर महतको प्रमुख आतिथ्यतामा भएको समापन कार्यक्रममा विजेताले नगदः ७५ हजार र उपविजेताले नगद ४० हजार रुपैयाँ सहित शिल्ड, मेडल र प्रमाणपत्र प्राप्त गरेका छन् ।

यसैबीच विजेता भएसंगै थाहा नगरपालिकाका नगरप्रमुख लवशेर विष्टले खेलाडीहरुलाई बधाई दिएका छन् । उनले जिल्लामा थाहानगरको नाम खेलकुदको क्षेत्रबाट चिनाउन सफल खेलाडीहरुको थप प्रगतिको कामना गरेका छन् । त्यस्तै थाहानगर खेल कुद विकास उपसमितिका संयोजक राजेश केसीले पनि खेलाडीहरुको प्रगतिको कामना गरेका छन् ।  खेलाडीहरुलाई थाहा नगरपालिकाले विजयादशीको अवसरमा फुलपातीको दिन पालुङमा प्रशसंसापत्र सहित बधाई दिने कार्यक्रम रहेको छ । 
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG