Friday, 19th January, 2018
वि.स.

थाहा नगरपालिका अब विहान ९ बजेबाटै खुल्ने
वडाबाटै सम्पत्ती कर तिर्न पाइने, सामाजिक सुरक्षा बैकबाट, पञ्जिकरण अनलाइन

मकवानपुरको थाहा नगरपालिकाले अब विहान ९ बजेबाटै सेवा प्रदान गर्ने भएको छ । थाहा नगरपालिकामा नयाँ कार्यकारी अधिकृतको रुपमा आएका    हरिलाल पुरीले पहिलो कर्मचारी बैठकबाट यस्तो निर्णय भएको जानकारी दिए । निर्णय आउँदो कार्तिक १ गतेबाट कार्यान्वयन हुने कार्यकारी अधिकृत पुरीले बताए । नगरपालिकामा केही नयाँ काम गर्नु आवश्यक रहेको बताउँदै कार्यकारी अधिकृत पुरीले सेवा समय बढाइएको जानकारी दिएका      हुन् । यसरी विहान ९ बजेबाटै कार्यालय खुल्ने थाहानगर जिल्लाकै पहिलो स्थानीय तह भएको छ । 

कार्यालय समयमा कर्मचारीहरुले इमान्दार भएर काम गर्न कार्यकारी अधिकृत पुरीले निर्देशन दिएका छन् । थाहा नगरपालिकामा कर्मचारीहरुको हाजिरी व्यवस्थापन गर्नको लागि इलेक्ट्रोनिक हाजिरी संचालनमा ल्याइने भएको छ । त्यस्तै नगरपालिकामा हाजिर नभइ कामकाजमा गए त्यस्तो कर्मचारीको विवरण नगरपालिकामा सेवाग्राहीले देखिने गरी राखिने र अद्यावधिक गरिने भएको छ । यसले नागरिकलाई सेवा लिन सहज हुने विश्वास लिइएको छ । कार्यालयमा हाजिर भएका तर कामको शिलशिलामा कहिँ कतै जान परे पनि नगरपालिकामा सबैले देखिने गरी को कर्मचारी कहाँ गएको कुन समयमा कार्यालयमा फर्कछन्, कोबाट स्वीकृत लिएर गएको हो उक्त विवरण पनि राखिने नगरपालिकाले जनाएको छ । त्यसो त सबै      कर्मचारीको नाम, पद तथा सम्पर्क नम्बर समेत सेवाग्राहीको पहुँचमा हुने गरी नगरपालिका परिसरमा सार्वजनिक    गरिने छ । 

कर्मचारीहरु विदामा बस्दा वा काजमा जाँदा स्वीकृत कोबाट गराउने भन्ने विषयमा अन्यौलमा नपर्न   कार्यकारी अधिकृत पुरीले आग्रह गरेका छन् । कार्यकारी अधिकृत पुरीले भने–‘वडा सचिवहरुले वडा अध्यक्षबाट, नगरपालिकाका कर्मचारीहरुले   कार्यकारी अधिकृतबाट र कार्यकारी अधिकृतले मेयरबाट स्वीकृत गराउनु   पर्छ ।’ सबै कर्मचारीको एकता र लगनशीलताले नै चुस्त सेवा प्रदान गर्न सकिने भएकोले नगरका सबै विषयगत शाखाको प्रशासनिक व्यवस्थापन नगरपालिकाकै प्रशासनले गर्ने उनले बताए ।

नगरपालिकाबाट प्रदान हुने सेवामा ‘कमेन्ट’ नआउने गरी काम गर्न कर्मचारीहरुलाई निर्देशन दिइएको छ । नक्शापास तथा अन्य प्रक्रियाहरुमा समेत गुनासो आइरहेकोले नागरिकहरुलाई टोकन प्रणाली मार्फत सेवा प्रारम्भ गरिने पुरीले बताए । आफू र आफ्ना कर्मचारीहरुबाट प्रदान हुने सेवाको ‘क्वालिटी र क्वान्निटी’ मा कुनै पनि सम्झौता नहुने उनको प्रतिवद्धता रहेको छ । नगरपालिकाले संचालन गरेको हरेक काम कारवाही पारदर्शी हुनुपर्ने भएकोले आफ्नो शाखा र फाँट तथा वडाबाट भएको प्रगती विवरण कार्यालयको सूचना शाखामा जानकारी गराउन आग्रह गरे । यस्तो विवरण वेभसाइट र नगर बुलेटिन मार्फत सार्वजनिक गरिने थाहा नगरपालिकाले जनाएको छ । कार्यकारी अधिकृत पुरीले नगरका लाभग्राही भूकम्पपीडितको विवरण डिजिटल रुपमा अद्यावधिक गरी सम्झौता तथा लाभग्राहीको सहयोग रकम निकासामा गम्भीर भएर लाग्न वडा सचिवहरुलाई आग्रह गरे । 

वडाबाटै सम्पत्ती कर तिर्न पाइने

छ वटा गाविस एकीकृत भएर घोषणा भई कार्यान्वयन भएको थाहा नगरपालिकामा अब वडाबाटै एकीकृत सम्पत्ती कर तिर्न सकिने व्यवस्था मिलाइने भएको छ । कार्तिक महिनाबाट यो सेवा संचालन गर्नका लागि तयारी थालिएको कार्यकारी अधिकृत हरिलाल पुरीले बताए ।

१२ वटा वडा रहेको थाहामा अहिले संचालनमा रहेका छ वटा संयुक्त वडा कार्यालयबाट यो सेवा कार्तिकबाटै शुरु गरिने  कार्यकारी अधिकृत पुरीले जानकारी दिए । उनले भने–‘यसरी शुरु गर्न लागिएको सेवा मार्फत जुनसुकै वडाबाट पनि जुनसुकै वडाको कर तिर्न सकिने व्यवस्था गरिनेछ ।’ आग्राको सेवाग्राही काठमाण्डौबाट कर तिर्न आए, उनलाई चित्लाङ नजिक पर्छ भने उनले त्यहीबाट कर तिर्न सक्छन्–पुरीले भने । 

थाहा नगरपालिकामा अहिलेसम्म  एकीकृत सम्पत्ती कर तिर्नको लागि नगरपालिका कार्यालय नै पुग्नु पर्ने बाध्यता छ । नगरपालिकाले आर्थिक वर्ष २०७२/०७३ बाट एकीकृत सम्पत्ती कर लागु गरेको हो । 

सामाजिक सुरक्षा बैकबाट, पञ्जिकरण अनलाइन

थाहा नगरपालिकामा एकीकृत भएका गाविसहरुका सामाजिक सुरक्षा लाभग्राहीको पनि सामाजिक सुरक्षा भत्ता बैकबाटै प्रदान गरिने भएको छ । आर्थिक वर्ष २०७३-०७४ बाट सामाजिक सुरक्षा बैङ्किङ प्रणालीबाट वितरण थालेको थाहाले एकीकृत भएका आग्रा, टिष्टुङ र चित्लाङका लाभग्राहीलाई पनि बैक मार्फत नै भत्ता वितरण गर्ने भएको हो । नगरपालिकाले चालु आर्थिक वर्षको पहिलो चौमासिकको भत्ता तिहार अघि नै वितरण गर्ने तयारीमा जुटेको छ । 

यसैबीच थाहा नगरपालिकामा व्यक्तिगत घटना दर्ता अनलाईनबाटै गर्न थालिएको छ । नगरबासीको जन्म, मृत्यू, बसाइसराई, विवाह र सम्बन्ध विच्छेदको घटना अनलाइनबाटै गर्न थालेको हो । अहिले थाहा नगरपालिका वडा नम्बर ११ र १२ बाट यो सेवा प्रारम्भ भएको वडा सचिव पूर्ण गोलेले    जानकारी दिए । मकवानपुर जिल्लामा थाहा नगरपालिका अनलाइनबाट व्यक्तिगत घटना दर्ता गर्ने पहिलो र एक मात्र स्थानीय तह हो । 
 




loading...


ताजा समाचार

भीमफेदीमा भव्यताकोसाथ मनाइयो ल्होसार
ऐतीहासिक भीमफेदीमा तामाङ्ग समुदायको पहलमा सोनाम ल्होसार ‘नगी ल्हो’ २८५४ कुकुर बर्ष भब्य रुपमा मनाएको छ । कार्यक्रम संयोजक सोम बहादुर घलानका...
Vimfedi-1516289904.jpg
बज्रवाराहीमा अत्याधुनिक कृषि प्रणाली सम्बन्धी तालीम
थाहा नगरपालिका वडा नम्बर ६ मा अत्याधुनिक प्रविधि सहित व्यवशायिक कृषि प्रणाली सम्बन्धी एक दिने तालीम सम्पन्न भएको छ । बज्रवाराही नमुना व्यवशायिक टनेल...
Agro-CV-1516282575.jpg
फेरी पेट्रोलियम पदार्थको मूल्य बढ्यो (हेर्नुहोस मूल्यसूची)
नेपाल आयल निगमले इन्धनको मूलय फेरि बढाएको छ । निगमले अन्तर्राष्ट्रिय बजारमा तेलको मूल्य बढेको भन्दै बुधबार पेट्रोल, डिजेल र मट्टितेलमा मूल्यवृद्धि...
petrol-1516199106.jpg
३ नम्बर प्रदेश राजधानी तोकेकोमा हेटौंडा उपमहानगरको स्वागत
नेपाल सरकारको मन्त्रिपरिषदको बैठकले तीन नंम्बर प्रदेशको अस्थाई राजधानी हेटौंडालाई बनाउने निर्णयको हेटौडा उपमहानगरपालिकाले स्वागत गरेको छ ।...
Letter-head-copy-1516198391.jpg
तीन नम्बर प्रदेश राजधानी हेटौंडा, प्रमुखमा कोइराला (हेनुहोस् सूची सहित)
मन्त्रिपरिषद्को बैठकले सातवटा प्रदेशका प्रमुख र प्रदेशका अस्थायी मुकाम तोकेको छ। ३ माघमा बसेको मन्त्रिपरिषद् बैठकमा सामेल कानूनमन्त्री यज्ञबहादुर...
hetauda1-1516193181.jpg

लोकप्रिय समाचार

कर तिर्न किन अटेर गर्छ, दामनको पानोरोमा रिसोर्ट ?
पर्यटकीय क्षेत्र थाहानगरका अधिकांश ठूला होटलहरुले हालसम्म कर नै नतिरेको थाहा नगरपालिकाले बताएको छ । नगरपालिका भित्र सञ्चालित अधिकांश होटलहरुले...
REsort-PP-1513736844.jpg
जिप दुर्घटना हुँदा गाउँपालिकाका अध्यक्ष सहित पालुङका बस्नेतको ज्यान गयो
संखुवासभाको भोटखोला गाउँपालिका ३ सामाटारमा जिप दुर्घटना हुँदा मकालु गाउँपालिकाका अध्यक्ष खड्ग कटुवाल सहित ६ जनाको मृत्यु भएको छ । दरमुकाम...
Accident-1515931093.jpg
जहिल्यै "कुल" कुन्छालगाउँ [पर्यटकीय गाउँको फोटो फिचर]
मकवानपुरको थाहा नगरपालिका वडा नम्बर १ कुन्छाल गाउँ सन् २०१८ का लागि पर्यटकीय गाउँ घोषणा भएको छ । गाउँलाई देश विदेशमा पिचनाउनका लागि स्थानीय युवाहरु...
Kunchhal-1515320298.jpg
मकवानपुरको थाहानगर र इन्द्रसरोवरमा "तरकारी जोन" परियोजना शुरु, अब किसानलाई हुन्छ यस्तो फाइदा 
कृषि उपजका वस्तुहरु उत्पादन हुने पकेट क्षेत्रलाई थप व्यवस्थित गरेर कृषिजन्य वस्तुहरुको उत्पादनमा वृद्धि गर्ने उद्देश्यले प्रधानमन्त्री कृषि...
Zone-Office-1515424543.jpg
३ नम्बर प्रदेश राजधानी तोकेकोमा हेटौंडा उपमहानगरको स्वागत
नेपाल सरकारको मन्त्रिपरिषदको बैठकले तीन नंम्बर प्रदेशको अस्थाई राजधानी हेटौंडालाई बनाउने निर्णयको हेटौडा उपमहानगरपालिकाले स्वागत गरेको छ ।...
Letter-head-copy-1516198391.jpg