Wednesday, 20th March, 2019
वि.स.
Bihuli-002-1532968337.gif

थाहा महोत्सवको तेस्रो दिन ८० लाखको कारोबार

badri-pangeni-1540827140.jpg

मकवानपुरको प्रमुख पर्यटकीय क्षेत्र थाहानगरस्थित इन्द्रायणी चौरमा भइरहेको तेस्रो थाहा महोत्सवको तस्रो दिन सोमबार ८० लाख बराबरको कारोबार भएको छ । महोत्सवमा राखिएका २ सय स्टलबाट सो रकम बराबरको कारोबार भएको स्टल व्यवस्थापक विद्यार्थी शाहले बताए । 
महोत्सवमा होटल, अटो तथा सवारीसाधन, फेन्सी तथा कस्मेटिक, हस्तकला तथा उद्यमशील, आइटी लगायत स्टलहरु राखिएका छन् । महोत्सवबाट करिब ६ करोड रुपियाँको आर्थिक कारोबार हुने लक्ष्य राखिएकोमा यस पटकको मेलामा लक्ष्य भन्दा बढी कारोबार हुने देखिएको आयोजक थाहा नगर उद्योग वाणिज्य संघका अध्यक्ष कविराज खत्रीले बताए । 
महोत्सवमा अवलोकनकर्ताहरुको उत्साहजनक सहभागिता रहेको छ ।  सोमबार ‘बेहुला बनाउँछु भन्थी, बहुला बनाएर गई’ बोलका गायक रमेशराज भट्टराईले प्रस्तुती दिएर दर्शकहरुलाई उचालेका थिए । गायक मुक्तिनाथ उप्रेती र गायिका उमादेव खनालको बेजोड प्रस्तुतीले दर्शकहरुलाई भरपुर मनोरन्जन प्रदान गरेको थियो । त्यस्तै स्थानीय कलाकारहरुको प्रस्तुती जीवन्त रहेको थियो । 
मंगलबार कलाकारहरु कमल खत्री, मिलन लामा, दिपक खड्का लगायतको प्रस्तुती रहने आयोजकले बताएको छ ।
उत्तरी मकवानपुरको कृषि, पर्यटन र व्यापारको प्रवर्धनमा टेवा पु¥याउन महोत्सवको आयोजना गरिएको हो । 
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG