Saturday, 19th January, 2019
वि.स.
Bihuli-002-1532968337.gif

थाहा सञ्चार अभियानद्वारा थाहा दर्शन बारे विकास घरमा अन्तरक्रिया 

014-1515732006.jpg

थाहा आन्दोलनका प्रणेता रुपचन्द्र विष्ट (रुदाने)को ८४ औ जन्म जयन्तीको अवसरमा मकवानपुरको थाहानगरपालिका स्थित विकास घरमा २६ पौषमा अन्तरक्रिया कार्यक्रम सम्पन्न भएको छ । थाहानगरका जेष्ठ नागरिक १०३ वर्षिय गणेश बहादुर  अधिकारीको प्रमुख आतिथ्यमा कार्यक्रम समपन्न भएको हो ।

कार्यक्रममा जनमुखी सहकर्मी रणसंग्राम बिष्टले थाहा दर्शन र जनमुखी राजनितीलाई केही फटाहाहरुले दुरुपयोग गर्दै ठगी खाने भाँडो बनाएकोमा कडा आपत्ति जनाए । उनले आफू चुनाव लड्दा साथीहरू र परिवारका सदस्यबाट सहयोग स्वरुप उठेको करिब पौने ३ लाख रकममा अरु रकम खर्च भै बाँकी रहेको एक लाख रुपैया धर्म भकारीको पुनः स्थापना गरेका छन् । रुदानेले वि.सं. २०२२ साल तिर दामन गाउँपञ्चयातको प्रधानपंच हुँदा जनहितका लागि विभिन्न प्रगतिशील आन्दोलन चलाएका थिए । ति मध्ये एउटा अभियान धर्म भकारी पनि हो । धर्म भकारीमा जम्मा भएको रकम रुदानेको पुण्य तिथि असार ७ गते पारेर थाहाका उत्पीडितवर्गलाई प्रदान गरिने विष्टले जानकारी दिए । 

स्थापना गरिएको उक्त धर्म भकारीमा सबै दानी मनकारीहरुलाई रकम जम्मा गर्न जनमुखी सहकर्मी रणसंग्राम बिष्टले अनुरोध पनि गरेका छन् । उनले ले आफनो जागीरे जीवनको सन्चय कोषबाट प्राप्त ३ लाख रुपैयाँ रुदानेको निर्माणधिन संग्रहालयको लागि प्रदान गर्ने घोषण गरेका छन् । संग्रहालयको लागि सुबास चन्द्र बिष्टले जग्गा उपलब्ध गराउने घोषणा गरे ।

संग्रहालय घर्तिखोला स्थित रुदानेको जन्मस्थानमा बनाइने कार्यक्रममा जानकारी दिईको छ । हाल उक्त स्थान भग्नावशेषमाा परिणत भएको अबस्थामा छ । कार्यक्रममा थाहाका युवा, जनमुखी सहकर्मीहरु बिमल बिष्ट, निरन्जन अधिकारी, अक्कल बहादुर केसी, अर्कुर रायमाझी, थाहा सञ्चार अभियानकी प्रमिला सिलवाल लगाएतले रुपचन्द्र बिष्ट र थाहा दर्शन र जनमुखी राजनिती बारेमा चर्चा गरेका थिए ।
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)

Plant-1526723778.JPG