Sunday, 24th March, 2019
वि.स.
Bihuli-002-1532968337.gif

पचास प्रतिशत अनुदानमा किसानलाई ट्याक्टर

IMGL0926-1546273192.JPG

प्रधानमन्त्री कृषि आधुनीकीकरण  परियोजना, परियोजना कार्यान्वयन इकाई थाहा नगरपालिकाको बार्षिक कार्यक्रम अनुसार कृषकहरुलाई खेतबारी जोत्ने मिनी टिलर ट्याक्टर वितरण गरेको  छ । परियोजना कार्यान्वय रहेको थाहा नगरपालिका र इन्द्रसरोवर गाउँपालिकाका किसानहरुलाई ट्याक्टर वितरण गरेको हो । 

परियोजनाले कृषक, कृषक समुह सहकारीहरुमा आवद्ध किसानहरुलाई ट्याक्टर वितरण गरेको परियोजना कार्यान्वयन ईकाइ शिखरकोटका प्रमुख सुजन अम्गाईले जानकारी दिए । उनका अनुसार २१ मध्ये ८ वटा इन्द्रसरोवर गाउँपालिकाका किसान र बाँकी १३ वटा थाहानगरका किसानहरुलाई वितरण गरिएको हो । किसानको र परियोजनाको पचास÷पचास प्रतिशत लागतमा ट्याक्टर वितरण गरिएको हो ।

व्यवशायिक रुपमा खेतीपाती गर्ने किसानहरुका लागि ट्याक्टर सहयोगले उत्पादन वृद्धि हुने कृषक कृष्णकाजी प्रधानले बताए । उनले परियोजनाले ट्याक्टर वितरण गरेकोमा खुशी व्यक्त गरे । ट्याक्टर वितरण कार्यक्रममा   परियोजना कार्यान्वयन इकाइका प्रमुख सुजन अम्गाई, परियोजना कार्यान्वयन इकाई व्यवस्थापन समितिका अध्यक्ष सुदर्शन विष्ट, कृषि प्राविधिकहरु लगायतकाको सहभागिता रहेको थियो ।

परियोजनाले अघिल्लो वर्ष पनि ट्याक्टर वितरण गरेको थियो । थाहानगर र इन्द्रसरोवर कार्यक्षेत्र रहेको परियोजना संचालनभएपछि किसानहरुले फाइदा महशुस गरेका छन् । 
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)

Plant-1526723778.JPG