Saturday, 19th January, 2019
वि.स.
Bihuli-002-1532968337.gif

पालुङमा गुणस्तर सुधार सम्बन्धी गोष्ठी सम्पन्न

Health-003-1485774994.jpg

जिल्ला जनस्वास्थय कार्यालय मकवानपुरको आयोजना तथा पालुङ प्राथमिक स्वास्थ्य केन्द्रको व्यवस्थापनमा एक दिने सुरक्षित गर्भपतन सेवाको गुणस्तर सुधार सम्बन्धी गोष्ठी सम्पन्न भएको छ । 

पालुङ प्राथमिक स्वास्थ्य केन्द्र थाहा नगरपालिका वडा नम्बर ८ मा सम्पन्न गोष्ठीको प्राविधिक सहयोग आइपासले गरेको थियो । गोष्ठीमा स्वासथय केन्द्र व्यवस्थापन समितिका पदाअधिकारीहरु, विद्यार्थी, स्वास्थ्य केन्द्रका स्वास्थ्यकर्मी, कर्मचारीलगायतकाको सहभागिता रहेको थियो । 

कार्यक्रमका सहभागीहरुलाई जिल्ला जनस्वास्थ्य कार्यालय मकवानपुरका तथ्याङ्क अधिकृत सुरेश यादवलगायतले सहजीकरण गरेका थिए । थाहानगरको बज्रवाराही स्वास्थ्य चौकीमा पनि सुरक्षित गर्भपतन सेवाका लागि प्राविधिक सहयोग गरिरहेको आइपासकी उषा ढकालले बताइन् ।

गोष्ठी पालुङ प्राथमिक स्वास्थ्य केन्द्रका प्रमुख डाक्टर रिनेश अधिकारीको अध्यक्षतामा भएको थियो । कार्यक्रममा डाक्टर अधिकारीले गोष्ठीबाट सेवारत् स्वास्थ्यकर्मी तथा कर्मचारीहरुलाई थप हौसला मिलेको बताए । उनले स्वास्थ्य केन्द्रको गुणस्तरीय सेवालाई प्रभावकारी बनाउन सधै सक्रिय रहने प्रतिवद्धता व्यक्त गरे ।

कार्यक्रमको अवसरमा प्राथमिक स्वास्थ्य केन्द्र व्यवस्थापन समितिका अध्यक्ष भिम बहादुर परियारको अध्यक्षतामा स्वास्थ्य केन्द्र गुणस्तर एवं सेवा सुदृढिकरण समिति पनि गठन भएको छ । समितिको सदस्य सचिव डाक्टर रिनेश अधिकारी तथा कार्यविधि अनुसार सदस्यहरु चयन भएकाछन् । 
 

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG