Sunday, 17th February, 2019
वि.स.
Bihuli-002-1532968337.gif

प्रदेश ३ को स्थायी राजधानी कहाँ ? हुने भो मतदान

P33-1543844903.jpg

प्रदेश ३ को स्थायी राजधानीबारे प्रदेशसभामा मतदान नै हुने भएको छ । प्रदेशसभाका सभामुख सानुकुमार श्रेष्ठको आहृवानमा बसेको सर्वदलीय बैठकमा राजधानीबारे संसदीय प्रक्रियाबाटै निर्णय गर्ने सहमति जुटेको हो । संसदीय समितिले मकवानपुरसहित, काभ्रे, भक्तपुर, नुवाकोट र चितवन विकल्प दिएको छ । प्रदेशसभामा सत्तारुढ दल नेकपाको दुई तिहाई छ । तर, नेकपाभित्रै हेटौंडा कि काभ्रे भन्ने बहस चर्को छ । मुख्यमन्त्री डोरमणि पौडेलसहितका केही नेता हेटौंडालाई नै स्थायी राजधानी बनाउने पक्षमा भएपनि बहुसंख्यक विपक्षमा छन् ।

प्रदेशका आन्तरिक मामिला तथा कानूनमन्त्री शालिकराम जम्मरकट्टेलले भने, ‘राजधानीबारे सहमति जुट्ने अवस्था छैन, त्यसैले मतदानमा जाने निर्णय भएको छ ।’ उनका अनुसार प्रदेशसभाको अबको बेठकमा राजधानीबारे संसदीय समितिको प्रस्ताव पेश हुनेछ र एकएक जिल्लाको नाम प्रस्ताव गरेर मतदान हुनेछ । जुन जिल्लाको प्रस्ताव दुई तिहाईले पारित हुन्छ, त्यहीँ स्थायी राजधानी तोकिनेछ ।

पुस ८ गतेबाट मतदान प्रक्रिया सुरू हुने छ ।

-अनलाइनखबरबाट

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG