Sunday, 17th February, 2019
वि.स.
Bihuli-002-1532968337.gif

मकवानपुरका चेपाङ्ग बालबालिकालाई न्यानो कपडा

Warm-Cloth-Distribution-(-1544110130.jpg

मकवानपुरका सिमान्तकृत बालबालिकाका लागि जाडोयामलाई मध्यनजर गरी न्यानो कपडा वितरण गरिएको छ । मनहरी र राक्सीराङ्ग गाउँपालिकासँगको समन्वय तथा कोर ईन्टरनेशनल क्यानडाको सहयोगमा हिमालयन मानवअधिकारकर्मी समूह (हिमराइट्स) मकवानपुरले कपडा वितरण गरेको हो ।

सिमान्तकृत समुदायको शिक्षा तथा नेतृत्व विकास कार्यक्रम अन्र्तगत मनहरीको प्रजा आधारभुत विद्यालय र राक्सीराङ्गको प्रजाजागृति बिद्यालयका ९–९ जना चेपाङ्ग बालबालिकालाई न्यानो कपडा वितरण गरिएको थियो ।

मनहरीमा आयोजित कपडा वितरण कार्यक्रम मनहरी गाउँपालिकाकी उपाध्यक्ष मनिला विष्टको प्रमुख आतिथ्य तथा विद्यालया अध्यक्ष राजुप्रसाद खनालको अध्यक्षतामा भएको थियो । त्यस्तै, राक्सीराङ्गमा आयोजित कपडा वितरण कार्यक्रम गाउँपालिकाका अध्यक्ष राजकुमार मल्लको प्रमुख आतिथ्य तथा विद्यालयका अध्यक्ष जयकान्त प्रजाको अध्यक्षतामा भएको थियो ।

यसैगरी, जाडो महिनालाई मध्यनजर गरि सरिखेतको सुर्योदय माध्यमिक विद्यालय र मनहरीको सगरमाथा आधारभुत विद्यालयमा पनि न्यानो कपडा वितरण गरिने हिमराइट्स मकवानपुरकी कार्यक्रम संयोजक कुमारी वाइबाले बताईन् ।

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG