Tuesday, 23rd April, 2019
वि.स.
Bihuli-002-1532968337.gif

मकवानपुरका स्थानीय तहमा प्राविधिक कर्मचारी भर्ना गर्न बाटो खुल्यो

DCC-1554821008.jpg

कर्मचारी समायोजनपछीको समयमा पनि प्राविधिक कर्मचारी अभाव भएपछि मकवानपुरका स्थानीय तहलेहरुले करारमा प्राविधिक कर्मचारीहरु भर्ना गर्ने निणय गरेका छन् । जिल्ला समन्वय समिति मकवानपुरको बैठकले यो निर्णय गरेको हो ।

२५ चैतमा जिल्ला समन्वय समिति मकवानपुरको आयोजनामा स्थानीय तह समन्वय समितिको बैठकले जिल्लाका सबै १० वटै स्थानीय तहका लागि बाटो खुलाएको हो । यद्यपि मकवानपुर थाहा नगरपालिकाले भने गत असारमै प्राविधिक कर्मचारी व्यवस्थापन कार्यविधि बनाइ कार्यान्वयनमा ल्याइ सकेको थियो । हरेक महिनाको २५ गते बस्ने नियमित बैठक सोमबार मकवानपुरगढी गाउँपालिकामा बसेको थियो । जिल्लाका १० वटै स्थानीय तहले एक महिनामा गरेका उपलब्धी एवम् समस्या लगायतका बारेमा एक अर्का बिच अनुभव आदान प्रदान गर्ने उद्श्यले जिससले हरेक महिना बैठक आयोजना गर्दै आएको छ । यस अघि जिल्ला समन्वय समितिमै बस्ने गरेको नियमित बैठक यो पटक गढी गाउँपालिकामा अवस्थित ऐतिहासिक मकवानपुरगढी दरबारमा बसेको हो ।

स्थानीय तहहरुले बिशेषगरि अहिले स्थानीय तहहरुमा कर्मचारी अभावको समस्या रहेको बताएका छन । उनिहरुले सबै कर्मचारी संघ र प्रदेशमा समायोजन भएकोले स्थानीय तहमा अहिले कर्मचारीको व्यापक अभाव रहेको बताएका छन । कर्मचारी अभावमा सोचे अनुसारको काम गर्न नसकिएको उनिहरुको भनाई रहेको थियो । बैठकमा मवानपुरका १० वटै स्थानीय तहका प्रमुख/उपप्रमुख र प्रमुख प्रशासकिय अधिकृतहरुको सहभागिता रहेको थियो । जिल्ला समन्वय समिति मकवानपुरका अध्यक्ष रघुनाथ खुलालको अध्यक्षतामा बैठक बसेको हो ।

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)

Plant-1526723778.JPG
Fohor-Add-1532704684.jpg