Saturday, 19th January, 2019
वि.स.
Bihuli-002-1532968337.gif

मकवानपुरमा एउटी महिला लडाकूको ह्याट्रिक

Kumari-1512990482.jpg

१६ वर्षको उमेरमा सशस्त्र युद्वमा होमिएकी महिला लडाकु कुमारी मोक्तानले तेस्रो पटक संसदको यात्रा तय गरेकी छिन् । वाम गठबन्धनबाट नेकपा माओवादी केन्द्रकी उम्मेदवार मोक्तान प्रदेससभा मकवानपुर २ ‘क’ मा लोकतान्त्रिक गठबन्धनका यतिराज सापकोटालाई मतले हराउँदै प्रदेसभा सदस्यमा निर्वाचित भएकी हुन् ।

तत्कालिन नेकपा माओवादी शान्ति सम्झौतामार्फत संसदीय राजनीतिमा आएपछि उनी २०६३ सालमा संसद सदस्य मनोनित भएकी थिईन् । २०६४ सालमा मकवानपुर ४ बाट सांसद निर्वाचित मोक्तान नेकपा माओवादी केन्द्रकी पोलिटब्युरो सदस्य तथा मकवानपुर इन्चार्ज हुन् ।

जितपछि प्रतिक्रिया दिँदै मोक्तानले यो जित आफ्नो नभई २ नम्बरबासीको भएको बताइन् । ‘मेरो पाँच वर्ष यसै क्षेत्रको विकास र समृद्धिमा खर्च गर्नेछु’, मोक्तानले भनिन्, ‘जनतासँग गरेको बाचा पुरा गर्नेछु ।’ तत्कालिन नेकपा माओवादीले २०५२ सालमा सशस्त्र युद्व सुरु गरे लगत्तै उनी विद्यालय शिक्षा छाडेर युद्वमा होमिएकी थिइन् ।

http://bikaskhabar.com/public/images/users/Logo-b-1542560351.jpg

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)







Plant-1526723778.JPG