Monday, 17th December, 2018
वि.स.
Bihuli-002-1532968337.gif

मकवानपुर थाहानगरमा पर्यटक भित्र्याउन केवलकारः थालियो संभाव्यता अध्ययन

मकवानपुरको पर्यटकीय क्षेत्र थाहानगरमा थप पर्यटक भित्र्याउनका लागि नयाँ योजना अघि सारिएको छ । पर्यटकलाई छिटो र सहज रुपले नगर क्षेत्रमा भित्र्याउनको लागि थाहा नगरपालिकाले केवलकार निर्माण परियोजना अघि सारेको हो । थाहा नगरपालिका वडा नं. ४ स्थित सिमभन्ज्याङबाट भिमफेदी गाउँपालिका वडा नं. ४ स्थित पान्द्राङ जोड्ने केवलकारको नगरपालिकाले विज्ञ सहित अध्ययन थालेको छ । मुलुकको तराइ र छिमेकी राष्ट्र भारतबाट नेपाल भित्रने पर्यटकलाई थाहा नगरसम्म ल्याउन मार्ग प्रशस्त पार्न केवलकारको संभाव्यता अध्ययन थालिएको थाहा नगरपालिका प्रमुख लवशेर विष्टले जानकारी दिए । राजधानी काठमाण्डौको पर्यटक थाहामा भित्र्याउन चित्लाङ–चन्द्रागिरी सडकलाई मूल रुपमा अघि बढाइरहेको बेला दक्षिणी क्षेत्रबाट पर्यटकलाई नगरपालिकामा भित्र्याउन केवलकार निर्माणको अध्ययन थालिएको हो ।

थाहानगरलाई काठमाण्डौ जोड्न अर्को विकल्पको रुपमा आर्थिक वर्ष २०७५-०७६ को बार्षिक कार्यक्रममै संघीय सरकाररले चित्लाङ–थानकोट सुरुङमार्ग पनि अघि सारेको छ । पर्यटकीय संभावना बोकेको तर संभावनालाई अवसरमा बदल्नको लागि नगरकै गौरबको योजनाको रुपमा केवलकार निर्माण परियोजनालाई अघि सार्न संभाव्यता अध्ययन थालिएको प्रमुख विष्टले बताए । भिमफेदी गाउँपालिकाको ४ नम्बर वडाको पान्द्राङबाट करिब ३ किलोमीटरको दुरीमा सिमभन्ज्याङ आइपुग्न सक्ने प्रारम्भिक अनुमान गरिएको छ । १७ कार्तिकमा केवलकार संभाव्यता अध्ययनको लागि नगर प्रमुख लवशेर विष्टको नेतृत्वमा केवलकार सम्बन्धी जानाकारहरु सहितको एक टोलीले स्थलगत अवलोकन गरको छ । टोलीमा नगर उपप्रमुख खड्ग गोपाली, ३ नम्बर वडा अध्यक्ष राजेश केसी, ४ का दिपकसिंह लामा, अच्युतम प्रसाद ढकाल, अरुण रायमाझी, बिनोद लामालगायतकाको सहभागिता रहेको थियो । अवलोकनको क्रममा सिमभन्ज्यङदेखि पान्द्राङसम्मको भिडियो पनि लिइएको छ ।

प्रारम्भिक स्थलगत अध्ययन अनुसार सिमभन्ज्याङ–पान्द्राङ केवलकार निर्माण संभव देखिएको केवलकार सम्बन्धी एकजना जानकार इन्जिनियर हरिदेव तामाङले बताए । सहजै र छोटो दुरीबाट अन्तराष्ट्रिय पर्यटक समेत भित्र्याउन सकिने केवलकार थाहानगरका लागि उपयोगी हुने तामाङले बताए । एक किलो मीटर दुरीको केवलकार निर्माणको लागि न्युनतम करिब २५ देखि ७० करोडसम्म लाग्ने तामाङले बताए । उनले भने–‘इण्डियन प्रविधिको मेशिन राख्यो भने अहिलेको हिसाबमा एक किलोमीटरको २५ करोड रुपियाँ पर्छ, युरोपियन सामाग्री जडान गर्दा ७० करोडसम्म पर्छ ।’ स्थलगत अध्ययनका अनुसार हेटौंडाबाट १५ किलोमीटरमा पान्द्राङ र त्यहाँबाट तीन किलोमीटरको केवलकार दुरी पार गर्दा थाहानगरको सिमभन्ज्याङ आईपुग्न सकिनेछ । केवलकारको एउटा स्टेशन पान्द्राङ र अर्को सिमभन्ज्याङको अहिले पर्र्यटन सूचना केन्द्र निर्माण हुँदै गरेको क्षेत्रमा रहने प्रारम्भिक संभावना रहेको छ ।

थाहानगरमा धार्मिक क्षेत्रलाई पर्यटनसंग जोडेर धार्मिक पर्यटनको विकासका लागि नगरले अघि सारेको केवलकार निकै फलदायी हुने नगर प्रमुख लवशेर विष्टको विश्वास छ । सिमभन्ज्याङ केवलकारको योजना सफल हुँदा यसले सन्तानेश्वर महोदवको नामले समेत परिचित ऋषेश्वर महादेव मन्दिरमा भक्तजनको आवतजावतमा बढोत्तरी हुने विष्टले बताए । ऋषेश्वर महोदेव थाहानगरको बुद्ध धर्मावलम्वी तथा हिन्दु धर्मावलम्बीको साझा धार्मिक आस्था रहेको ठाउँ हो । पर्यटकहरु सिमभन्ज्याङसम्म आएपछि त्यही बस्ने व्यवस्थित ठाउँहरु निर्माण गर्ने नगरको योजना रहेको छ । थाहाको पर्यटन विकासको लागि आफूहरु राजनीतिक संयन्त्रमा हुँदाबाटै आवाज उठाउँदै आएकोमा अहिले जनप्रतिनीधिले गौरबको योजनाको रुपमा अघि सारेकोमा अच्युतम प्रसाद ढकालले खुशी व्यक्त गरे । ढकालले अहिलेकै जनप्रतिनीधिको पालामा सम्पन्न गर्नका लागि शुभकामना दिए । पर्यटन विकासको मूल आधार केवलकार थाहाका लागि अति उपयुक्त हुने प्रतिक्रिया दिएका छन् । संभाव्यता अध्ययनको लागि स्थलगत निरीक्षणकै कार्य शुभारम्भ हुँदै गर्दा पनि लगानीकर्ताहरुको चासो बढ्दै गएकोले सबैको सहकार्यबाट केवलकार निर्माण तथा संचालन गर्न सकिने बताए ।

सार्वजनिक जग्गा लगत संकलन शुरु थाहा नगरपालिकाले आफ्नै जनशक्तीबाट सिमभन्ज्याङ क्षेत्रमा रहेको खाली सार्वजनिक जग्गाको लगन संकन गर्ने भएको छ । जिल्ला सदरमुकाम हेटौंडा, तराइ क्षेत्र र भारतबाट समेत पर्यटक भित्र्याउन नगरको पर्यटन हबको रुपमा सिमभन्ज्याङलाई विकास गर्नका लागि जग्गाको लगन संकलन थालिने नगर प्रमुख विष्टले बताए । तिहार लगतै सिमभन्ज्याङ क्षेत्रमा नगरपालिकाले आफ्नै जनशक्तीबाट लगत लिनेछ । सिमभन्ज्याङ दामन क्षेत्रमा विभिन्न ठूला होटल व्यवस्थापनका लागि समेत नगरले पहल गर्ने भएको छ । सार्वजनिक सरोकारका सवालहरुलाई सम्बोधन गर्न प्रत्येक वडामा सार्वजनिक खाली जग्गाको अभिलेख लिने नगरपालिकाले जनाएको छ । यसका लागि नगरले गृहकार्य थालेको छ ।

http://bikaskhabar.com/public/images/users/Suraj-1510299856.jpg

सुरजकुमार भुजेल

[email protected]

भुजेल यस अनलाइनका सम्पादक हुन् । उनी विकास विटमा समाचार लेख्ने पत्रकार हुन् ।




loading...
Plant-1526723778.JPG


ताजा समाचार

काँकडा क्षेत्रलाई अर्गानिक मह उत्पादन क्षेत्रको रूपमा घोषणा गर्ने तयारी
कवानपुरका दुर्गम चेपाङ बस्तीका बासिन्दाले उत्पादन गरेको अर्गानिक मह प्रशोधनसहित बजारमा बिक्री हुन थालेको छ । विगतमा प्रशोधन नगरी बिक्री गरेको...
News-Logo-1544973016.jpg
कालिदेवी प्राविका विद्यार्थीलाई न्यानो कपडा
मकवानपुरको भीमफेदी–८ धार्के ईपाका बिद्यार्थीहरुलाई न्यानो कपडा तथा शैक्षिक सामग्री वितरण गरिएको छ । मकवानपुरका साइक्लिष्टहरुको आर्थिक सहयोगमा...
kapada-1544972004.jpg
हेटौँडाको आन्तरिक आयले लक्ष्य उछिन्यो
हेटौंडा उपमहानगरपालिकाले पहिलो चौमासिकमानै आन्तरिक आयमा लक्ष गरेभन्दा धेरै आमदानी गर्नका लागि सफल भएको छ । चालु आर्थिक बर्षको पहिलो चौमासिकमानै एक...
HNP-1544971230.jpg
मकवानपुरमा लागुऔषध सहित २ जना पक्राउ
जिल्ला प्रहरी कार्यालय मकवानपुरले हेटौंडाको बसपार्कबाट १० किलो २ सय ग्राम लागूऔषध सहित २ जनालाई पक्राउ गरेको छ ।शनिबार खटिएको प्रहरी टोलीले...
Pakrau-1544970825.jpg
हेटौंडामा श्रीमती र छोरीको हत्या गर्ने को हुन् ?
श्रीमती र छोरीको हत्यामा संलग्नको आरोपमा प्रहरीले एक भारतीय नागरिकलाई पक्राउ गरेको छ । आफ्नी पत्नी र छोरीको हत्या गरी हेटौंडा नगरपालिका–१९...
Hatyaaa-1544968781.jpg

लोकप्रिय समाचार

कृषि विकास बैंकले ल्यायो, ग्राहकमुखी योजना नै योजना
कृषि विकास बैैकले आफ्ना ग्राहकहरुलाई मध्येनजर गरेर थुप्रै सेवाहरु ल्याएको छ । देशको कृषि क्षेत्रमा वित्तिय तथा प्राविधिक सहयोग पु¥याउँदै...
kirsi-1543417277.jpg
यसरी शुभारम्भ भयो थाहा बसपार्क 
मकवानपुरको थाहा नगरपालिकामा बसपार्क निर्माणका लागि प्रक्रिया अघि बढाइएको छ । वडा नं. ४ स्थित नार्खुढाँडमा बसपार्क निर्माणका लागि सडक ट्रयाक खनिएको छ...
Bus-1543155680.jpg
मंसिर ५ मा सार्वजनिक विदा (विज्ञप्ती सहित)
प्रदेश नं. २ का सरकारले भोली (मंसिर ५ गते) सार्वजनिक बिदा घोषणा गरेको छन् । मंसिर ५ गते मुस्लिम समुदायको विशेष पर्व पैगम्बर महम्दको जन्न दिन परेको...
public-holiday-1542681503.png
पर्यटक लोभ्याउँदै मकवानपुरगढी
प्रकाश अधिकारी शनिबार हेटौँडा बुद्धचौकमा झुल्किनुभएका बर्दिया मैनापोखरका चन्द्र पोखरेल इतिहासमा पढिएको मकानपुरगढी प्रत्यक्ष नियाँल्न पाउँदा...
Makawanpur-gadhi-1-1543759991.jpg
पालुङ बहुउद्दश्यीय सहकारीको अध्यक्षमा कार्की 
पालुङ बहुउद्दश्यीय सहकारी संस्था लिमिटेडको अध्यक्षमा पुरुषोत्तम कार्की निर्विरोध भएका छन् । यद्यपी यसको औपचारिक घोषणा भएको छैन । अध्यक्ष कार्की...
Purshotta-1543039866.jpg