Sunday, 17th February, 2019
वि.स.
Bihuli-002-1532968337.gif

मन्त्री ढुंगेलले भने, सहकारी क्षेत्रले अब उत्पादनको क्षेत्रमा काम गर्नुपर्छ

444-1536236401.jpg

प्रदेश नंबर ३ का आर्थिक मामिला तथा योजना मन्त्री कैलाशप्रसाद ढुंगेलले वित्तिय सहकारी क्षेत्रले अब उत्पादनको क्षेत्रमा काम गर्नुपर्नेमा जोड दिएका छन् । नेपालमा सहकारीताको निकै विकास भएको अब उत्पादनको क्षेत्रमा लागेर मुलुकलाई समृद्ध बनाउने अभियानमा लाग्ने बेला आएको मन्त्री ढुंगेलको भनाई रहेको छ ।

साना किसान विकास लघुवित्त वित्तिय सस्था लिमिटेड हेटौँडा इलाका कार्यालयले २१ भाद्रमा हेटौँडामा गरेको समिक्षा एवम नयाँ आर्थिक वर्षको रणनैतीक योजना निर्माण कार्यक्रमको उद्घाटन समारोहमा बोल्दै मन्त्री ढुंगेलले सिप सिकेपछि प्रोजेक्ट निर्माण गरेर काम गर्नको लागि आग्रह समेत गरेका छन् ।

नेपालमा कृषि ब्यवसायको संभावना धेरै भएको भन्दै उनले समुहले निर्माण गरेको योजनामा प्रदेश सरकारले समेत सहभागिता जनाउने र सहयोग समेत गर्ने स्पष्ट पारे । कार्यक्रममा बोल्दै साना किसान बैंककी केन्द्रीय मुख्य प्रवन्धक अञ्जु पाठकले साना किसानमा महिला सहभागितालाई अझै बढाउने आफुहरुको योजना रहेको बताईन् ।

हाल ८२ प्रतिशत महिला रहेको सकारीमा सकेसम्म सत प्रतिशत महिला सहभागितामा जोड दिने उनको भनाई रहेको थियो । आफुहरुले सहकारीताको अवधारणाको विषयमा लगभग सबै जानकारी प्रदान गरिसकेको भन्दै अब उनीहरुलाई ब्यवसायीक बनाउनेतर्फ आफुहरुले योजना निर्माण गर्ने उनको भनाई रहेको थियो ।

कार्यक्रममा बोल्दै सहकारी अभियान्ता खेम पाठकले साना किसान सहकारीले देशको आर्थिक सम्बृद्धिमा महत्वपर्ण योगदान दिन सक्ने उल्लेख गरे । सहकारीताबाट मुलुक समृद्ध हुने कुरामा दुइ मत नभएको भन्दै उनले सानाकिसानको सहभागिता त्यसमा महत्वपूर्ण हने बताए ।

 







Plant-1526723778.JPG