Monday, 17th December, 2018
वि.स.
Bihuli-002-1532968337.gif

मुग्लिनको विकल्प खोज्दै
पर्यटन व्यवसायी बाटोको अवस्थाले गर्दा पर्यटक आगमनमा मन्दी ‘नौबिसे–दामन एकतर्फी गरिए उपयुक्त’

नारायणगढ–मुग्लिन सडकखण्ड स्तरोन्नतिको काममा ढिलाइ भएपछि पर्यटन व्यवसाय धराशायी बनेको भन्दै सौराहाका व्यवसायी वैकल्पिक मार्गको खोजीमा जुटेका छन्। पर्यटक आवागमनमा समस्या भएपछि क्षेत्रीय होटल संघ सौराहाको अगुवाइमा विकल्पको खोजी सुरु गरिएको हो। 

व्यवसाय चौपट हुन लागेपछि संघका पदाधिकारीले हालै मुग्लिन सडकको स्थलगत निरीक्षण गरेका छन्। निरीक्षणका क्रममा सडक स्तरोन्नतिको काममा सम्बन्धित निकाय उदासीन रहेकाले ढिलाइ भएको संघले जनाएको छ। निरीक्षणका क्रममा ठाउँठाउँमा पहिरोको जोखिम रहेको, जाम खुल्न घण्टौं कुर्नुपर्ने हुँदा पर्यटकले ‘बुकिङ’ रद्द गर्ने पाइएको छ। संघको टोलीले नौबिसे–दामन–हेटौंडा हुँदै भरतपुरसम्म सडकको अवस्थाबारे निरीक्षण गरेको हो। संघले वैकल्पिक मार्ग खोजी गरी पर्यटक आगमन सहज बनाउने निर्णय गरेको जनाएको छ। 

‘सडक निर्माणमा सरकारी संयन्त्र उदासीन बनेको देखियो,’ संघका द्वितीय उपाध्यक्ष भेषराज दुवाडीले भने, ‘सडक अवरुद्ध हुँदा एयरलाइन्सलाई फाइदा भए पनि सडकबाट दैनिक खाद्यान्न, निर्माणका सामानसमेत ढुवानी गर्न समस्या छ।’ उनले बाटोको अवस्थाका कारण सौराहा आउने पर्यटकले धमाधम बुकिङ रद्द गर्नु दु:खको कुरा भएको बताए। निरीक्षणको क्रममा नौबिसे–हेटौंडा सडक उपयुक्त ठहरिएको संघले जनाएको छ। यो सडकमा एकतर्फी मात्र यातायात सुचारु गर्ने व्यवस्था मिलाउन सम्बन्धित निकायलाई संघले आग्रह गर्ने भएको छ। हाल अधिकांश पर्यटन व्यवसायीले यही मार्ग प्रयोग गर्दै आएका छन्। 

ठूला सवारी साधनले गर्दा यस मार्गमा जाम हुन थालेको छ। ट्रक र यात्रुबाहक बसले गर्दा साना सवारीमा यात्रा गर्नेले सास्ती खेप्नुपर्ने बाध्यता छ। घुम्ती धेरै भएकाले लामा तथा लोड बढी भएका सवारी साधनलाई यो खण्ड उपयुक्त नहुने र एकतर्फी गर्न सकिए पर्यटकलाई राहत मिल्ने व्यवसायीको ठहर छ। ‘हाल बाटोको अवस्थाले गर्दा पर्यटक आगमनमा मन्दी आएको छ,’ संघका महासचिव रामणि खनालले भने, ‘सरकारी निकाय गम्भीर हुन जरुरी छ, वैकल्पिक मार्गको खोजी नगरिए व्यवसाय चल्न नसक्ने भएको छ।’ उनले जिल्लाका सरोकारवाला निकायको ध्यानाकर्षण गरिने बताए। 

सौराहामा १ सय १० होटल छन्। नारायणगढ–मुग्लिन सडकमा पहिरो खसेर सडक अवरुद्ध हुने क्रम बढेसँगै पर्यटक आगमन ५ देखि ७ प्रतिशतमा झरेको छ। अफ सिजन भए पनि विगतका वर्षहरूमा २५ देखि ३० प्रतिशतसम्म पर्यटक हुन्थे। ‘वैकल्पिक मार्गको बारेमा जिल्लामा सांसद, सुरक्षा निकाय, ट्राफिक प्रहरी, उद्योगी व्यवसायीसँग बसेर छलफल गर्छौं,’ संघका अध्यक्ष सुमन घिमिरेले भने, ‘त्यसपछि ट्राभल एजेन्सीदेखि सम्बन्धित निकायलाइ जानकारी गराउँछौं।’ 

उनले वर्षातपछि दिउँसो सडक बन्द गरेर भए पनि तीव्र गतिमा काम गर्नुपर्ने सुझाए। उनका अनुसार साना सवारी साधनले उक्त समयमा वैकल्पिक मार्ग प्रयोग गर्न सक्नेछन्। त्यस्तै मलेखु–भण्डारा चेपाङ मार्गको अवस्था बुझेर उक्त सडकलाई पनि वैकल्पिक मार्गका रूपमा प्रयोग ल्याउनमा लागिपर्ने अध्यक्ष घिमिरेले बताए। यो सडक ६२ किलोमिटर छ।  

 विदेशीको तुलनामा हाल हवाईमार्ग प्रयोग गर्नेमा नेपाली धेरै रहेको व्यवसायीले बताए। ‘बाह्य पर्यटकलाई आगमनमा समस्या भएको छ,’ अध्यक्ष घिमिरेले भने, ‘व्यवसायी गम्भीर भई पर्यटक भित्र्याउन लागिनपरे सिंगो जिल्लाको होटल व्यवासाय प्रभावित बन्ने निश्चित छ।’ 

मुग्लिन सडकखण्ड समयमै निर्माण गर्नका लागि व्यवसायीले दबाब समूह गठन गर्ने जनाए। जोखिम क्षेत्र आसपास सेना, सशस्त्र प्रहरी र नेपाल प्रहरीको अस्थायी क्याम्प राखेर पहिरो खस्दा तुरुन्तै पन्छाउने व्यवस्था हुनुपर्नेमा व्यवसायीको जोड छ। 

बिमल खतिवडा, कान्तिपुरबाट




loading...
Plant-1526723778.JPG


ताजा समाचार

काँकडा क्षेत्रलाई अर्गानिक मह उत्पादन क्षेत्रको रूपमा घोषणा गर्ने तयारी
कवानपुरका दुर्गम चेपाङ बस्तीका बासिन्दाले उत्पादन गरेको अर्गानिक मह प्रशोधनसहित बजारमा बिक्री हुन थालेको छ । विगतमा प्रशोधन नगरी बिक्री गरेको...
News-Logo-1544973016.jpg
कालिदेवी प्राविका विद्यार्थीलाई न्यानो कपडा
मकवानपुरको भीमफेदी–८ धार्के ईपाका बिद्यार्थीहरुलाई न्यानो कपडा तथा शैक्षिक सामग्री वितरण गरिएको छ । मकवानपुरका साइक्लिष्टहरुको आर्थिक सहयोगमा...
kapada-1544972004.jpg
हेटौँडाको आन्तरिक आयले लक्ष्य उछिन्यो
हेटौंडा उपमहानगरपालिकाले पहिलो चौमासिकमानै आन्तरिक आयमा लक्ष गरेभन्दा धेरै आमदानी गर्नका लागि सफल भएको छ । चालु आर्थिक बर्षको पहिलो चौमासिकमानै एक...
HNP-1544971230.jpg
मकवानपुरमा लागुऔषध सहित २ जना पक्राउ
जिल्ला प्रहरी कार्यालय मकवानपुरले हेटौंडाको बसपार्कबाट १० किलो २ सय ग्राम लागूऔषध सहित २ जनालाई पक्राउ गरेको छ ।शनिबार खटिएको प्रहरी टोलीले...
Pakrau-1544970825.jpg
हेटौंडामा श्रीमती र छोरीको हत्या गर्ने को हुन् ?
श्रीमती र छोरीको हत्यामा संलग्नको आरोपमा प्रहरीले एक भारतीय नागरिकलाई पक्राउ गरेको छ । आफ्नी पत्नी र छोरीको हत्या गरी हेटौंडा नगरपालिका–१९...
Hatyaaa-1544968781.jpg

लोकप्रिय समाचार

कृषि विकास बैंकले ल्यायो, ग्राहकमुखी योजना नै योजना
कृषि विकास बैैकले आफ्ना ग्राहकहरुलाई मध्येनजर गरेर थुप्रै सेवाहरु ल्याएको छ । देशको कृषि क्षेत्रमा वित्तिय तथा प्राविधिक सहयोग पु¥याउँदै...
kirsi-1543417277.jpg
यसरी शुभारम्भ भयो थाहा बसपार्क 
मकवानपुरको थाहा नगरपालिकामा बसपार्क निर्माणका लागि प्रक्रिया अघि बढाइएको छ । वडा नं. ४ स्थित नार्खुढाँडमा बसपार्क निर्माणका लागि सडक ट्रयाक खनिएको छ...
Bus-1543155680.jpg
मंसिर ५ मा सार्वजनिक विदा (विज्ञप्ती सहित)
प्रदेश नं. २ का सरकारले भोली (मंसिर ५ गते) सार्वजनिक बिदा घोषणा गरेको छन् । मंसिर ५ गते मुस्लिम समुदायको विशेष पर्व पैगम्बर महम्दको जन्न दिन परेको...
public-holiday-1542681503.png
पर्यटक लोभ्याउँदै मकवानपुरगढी
प्रकाश अधिकारी शनिबार हेटौँडा बुद्धचौकमा झुल्किनुभएका बर्दिया मैनापोखरका चन्द्र पोखरेल इतिहासमा पढिएको मकानपुरगढी प्रत्यक्ष नियाँल्न पाउँदा...
Makawanpur-gadhi-1-1543759991.jpg
पालुङ बहुउद्दश्यीय सहकारीको अध्यक्षमा कार्की 
पालुङ बहुउद्दश्यीय सहकारी संस्था लिमिटेडको अध्यक्षमा पुरुषोत्तम कार्की निर्विरोध भएका छन् । यद्यपी यसको औपचारिक घोषणा भएको छैन । अध्यक्ष कार्की...
Purshotta-1543039866.jpg