Thursday, 22nd February, 2018
वि.स.

शक्तिशाली बन्दै बाल संरक्षण समिति 

hadikhola-1509551855.jpg

मकवानपुरको विभिन्न गाउँमा बालबालिकासंग सम्बन्धि समस्या पहिचान गरी समाधान गर्नका लागि स्थानीय बाल संरक्षण समितिको भूमिका प्रभावकारी बनेको पाइएको छ । बुधबार जिल्ला बालकल्याण समिती मकवानपुरको समन्वयमा मकवानपुरको हाडीखोला र चुरियाईस्थित बाल संरक्षण समितिले गरेको कार्य अनुगमनका क्रममा यस्तो पाइएको छ । 

बालसंरक्षण समिति स्थानीय रुपमा बालबालिकाको समस्या पहिचान गरी समाधान गर्न आवश्यक योजना बनाएरै लागिपरेको पाइएको हो । वि.सं.२०७२ को विनासकारी भूकम्पपछि बाल संरक्षण समितिको सक्रियतामा हाडीखोलामा एक सय ७८ जना बालबालिका जोखिममा रहेको तथ्याङ्क पत्ता लगाइएको थियो । 

जोखिममा रहेका बालबालिका मध्ये तत्काल सेवा प्रदान गर्नुपर्ने १५ जनालाई प्रति व्यक्ति नगद पाँच हजारका दरले आपतकालीन सहयोग प्रदान गरिएको थियो । बालबालिकाका क्षेत्रमा क्रियाशील बालकल्याण समाज मकवानपुरले युनिसेफ नेपालको सहयोगमा बाल संरक्षण समितीको अगुवाईमा नगद प्रदान गरी जोखिममा रहेका बालबालिकालाई संरक्षण प्रदान गरिएको थियो ।  

यस्तै, अति विपन्नतामा रहेका कारण संरक्षण आवश्यक परेका ४ जना बालबालिकाको परिवारलाई प्रदान गरिएको जिविकोपार्जन सहयोग प्रभावकारी बनेको पाइएको छ । अनुगमनमा सहभागी महिला तथा बालबालिका कार्यालय मकवानपुरका महिला विकास अधिकृत शान्ति विश्वकर्माले गैर सरकारी संस्थाको सहयोगमा गाउँमा जोखिममा रहेका बालबालिकालाई प्रदान गरिएको सहयोग प्रभावकारी रहेको बताइन् । ‘संस्थाले आफ्नो परियोजना अवधिमा रहेर सेवा प्रदान गर्ने हो । ’ उनले भनिन्, ‘संस्थाको सहयोग नपाएपनि स्थानीय रुपमा बालबालिकाको समस्या समाधानका लागि बाल संरक्षण समिति सक्रिय भइरहनु पर्दछ । ’ उनले दातृ निकायले सहयोग दिने कार्य रोकेका खण्डमा पनि गाउँमा बालबालिकासंग सम्बन्धित समस्या आइपरेमा समाधानका लागि लागिपर्न बाल संरक्षण समितिलाई आग्रह गरिन् ।

हाडीखोला स्थित बाल संरक्षण समितिले जोखिममा रहेका बालबालिकालाई आर्थिक, जिविकोपार्जन सहयोग प्रदान गर्नुका साथै विभिन्न बालअधिकार संरक्षणका लागि विभिन्न जागरणमूलक अभियान समेत सञ्चालन गरिएको पाइएको छ । समितिका संयोजक कृष्णप्रसाद पौडेलले  स्थानीय रुपमा पहिचान भएका बालश्रम, बालविवाह, बालयौन दुव्र्यबहार लगायत बालसंरक्षणका सवालमा आफूहरुले बार्षिक कार्ययोजना बनाएर सचेतनामूलक कार्यक्रम सञ्चालन गरेको जानकारी दिए । उनका अनुसार बिचमै पढाई छाड्ने तथा आफू खुसी विवाह गर्ने लगायत कार्यले बालसंरक्षणका लागि हाडीखोलामा चुनौती छ । 

हाडीखोलाका लागि बालकल्याण समाजका सामाजिक कार्यकर्ता रामशरण दाहाल पनि यस्ता बाल संरक्षणका अनेक सवालमध्ये प्राथमिकीकरण गरेर योजनाबद्घ ढङ्गले लागिपर्नका लागि आफूहरुले सहजीकरण गर्ने बताउँछन् । 

हाडीखोलामा मात्रै होइन मकवानपुरको चुरियामाईमा रहेको बालसंरक्षण समितीले गरेका कार्यका विषयमा पनि बुधबार जानकारी लिइएको छ । महिला तथा बालबालिका कार्यालय, नेपाल पत्रकार महासंघ मकवानपुर, बाल संरक्षण समितिलाई सक्रियताका लागि सहजीकरण गरिरहेको बाल कल्याण समाज मकवानपुरका प्रतिनिधीले अनुगमन गर्दा बालबालिकाका सवाल पहिचान गरी स्थानीय बालबालिकाकालाई अधिकार प्रदान गर्ने कार्यमा बाल संरक्षण समिति लागिपरेको पाइएको हो । 

समितीका संयोजक सुनकेशरी रुम्बाका अनुसार चुरियामाईमा बालश्रम, जन्मदर्ता, बिचमै पढाई छाड्ने लगायत बाल संरक्षणको सवाल भएकाले योजनाबद्घ रुपमा समस्या समाधानका लागि कार्य भइरहेको छ । चुरियामाईमा प्रदान गरिएको तीन जना जोखिममा रहेको बालिकाको संरक्षकको आर्थिक सवलीकरणका लागि जिविकोपार्जन सहयोग तथा ६ जना जोखिममा रहेका बालबालिकाका लागि प्रदान गरिएको आपतकालीन सहयोग प्रभावकारी बनेको अनुगमनका क्रममा पाइएको छ । यसका साथै विभिन्न जागरणमूलक अभियानमार्फत पनि चुरियामाईमा रहेको बाल संरक्षण समितीले आफूलाई बाल संरक्षणको क्षेत्रमा आफूलाई सक्रिय राखेको सामाजिक कार्यकर्ता सानु थापा मगरले जानकारी दिए । 

स्थानीय बाल संरक्षण समितिले गरेका कार्यबारे बुझ्न महिला तथा बालबालिका कार्यालय मकवानपुरका महिला विकास अधिकृत शान्ति विश्वकर्माका साथै कार्यालयर्क सूचना व्यवस्थापन अधिकृत रवि हमाल, बाल कल्याण समाज मकवानपुरका जिल्ला कार्यक्रम संयोजक प्रकाश खतिवडा, कार्यक्रम संयोजक सुशीलराज गिरी, लेखा अधिकृत नवराज खनाल, समाजका कोषाध्यक्ष महालक्ष्मी श्रेष्ठ, नेपाल पत्रकार महासंघ मकवानपुरका सचिव गणेशदर्पण अधिकारी, समृद्घ समाज दैनिकका सम्पादक सुरेश श्रेष्ठ लगायतको सहभागिता थियो ।   
 

http://bikaskhabar.com/public/images/users/BK-1511251120.png

विकासखबर संवाददाता

[email protected]

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)




loading...


ताजा समाचार

अष्ट्रेलियन राजदूतले भने-"प्रदेश ३ लाई समृद्ध बनाउन सघाउँछु"
प्रचुर सम्भावना बोकेको प्रदेश नम्बर ३ लाई सबै दृष्टिकोणबाट समृद्ध बनाउन सहयोग गर्ने नेपालका लागि अष्ट्रेलियन राजदूत पिटर बडले प्रतिवद्धता जनाएका...
Htd-1519201144.jpg
पर्यटन प्रवद्र्धन गर्न ‘कुन्छाल क्याम्पिङ’
पर्यटकीय गाउँ ‘कुन्छाल’लाई पर्यटकहरु माझ चिनाउनका लागिराष्ट्रिय रुपमै ‘कुन्छाल क्याम्पिङ’ थालिएको छ । मकवानपुरको थाहा नगरपालिका वडा नम्बर १...
K-cver-1519180901.jpg
मेरो अनुभूति: महिलाहरुलाई उचित शिक्षा अन्धकार हटाउने बाटो
डोल्मा लामा दोलखा जिल्लाको विकट ग्रामिण भेगमा जनजाती (तामाङ्ग) परिवारमा जन्मिएकी डोल्मा लामा उच्च शिक्षाको अध्ययनका क्रममा हाल अमेरिकामा छन् । उनले...
Dolma-00023-1519187583.jpg
अस्थायी शिक्षकको परीक्षा मिति तोकियो
शिक्षा ऐन नवौं संशोधन अनुसार शिक्षक सेवा आयोगले अस्थायी शिक्षकको परीक्षा मिति तोकेको छ । पटक पटक मिति तोकेर पनि स्थगित हुँदै आएको परीक्षा चैत २३ गते...
edu-1518877272.jpg
मुख्यमन्त्री पौडेलद्वारा धुलिखेल नगर स्तम्भको शिलान्यास
प्रदेश नंबर ३ का मुख्यमन्त्री डोरमणी पौडेलले धुलिखेल नगर स्तम्भको शिलान्यास गरेका छन् । ५ फागुनमा धुलिखेल नगरपालिकाले नगर स्थापनको ३२ औँ वर्ष प्रवेश...
cm-paudel-1518873737.jpg

लोकप्रिय समाचार

थाहानगरको दामन–सिमभन्ज्याङमा भारी हिमपात [हेर्नुहोस् फोटो फिचर]
मकवानपुरको थाहानगरपालिका दामन/सिमभन्ज्याङमा १० माघमा हिमपात भएको छ । दामन सिमभन्ज्याङ सहित पर्यटकीय क्षेत्र थाहानगरको अग्ला डाँडाहरुमा व्यापक...
CV-Hiu-1516807972.jpg
यस्तो छ थाहानगरमा अटोको दादागिरी, भाडामा मनपरी
पत्रकार : हेल्लो अटो वाला :हजुर पत्रकार : कता हुनुहुन्छ ? अटो वाला : म शिखरकोट भन्ने ठाउँमा हो हजुर । पत्रकार :शिखरकोटमा, फुर्सदमै हुनुहुन्छ कि के छ ? अटो...
Auto-Web-1516719274.jpg
राष्ट्रपति भण्डारीद्वारा जनकल्यणको स्वर्ण महोत्सव उद्घाटन
राष्ट्रपति विद्यादेवी भण्डारीले मकवानपुरको थाहानगर स्थित जनकल्याण माध्यमिक विद्यालयको स्वर्ण महोत्सव उद्घाटन गरेकी छिन् । २१ माघमा विद्यालयमा...
DSC_0239-1517730389.jpg
चित्लाङमा भेटियो पर्यटक लोभ्याउने "चमेरो गुफा"
मकवानपुरको थाहा नगरपालिका चन्द्रागिरी तारेभिरमा नयाँ गुफा फेला परेको छ । मकवानपुरकै पहिलो पर्यटकीय गाउँ चित्लाङमा पर्ने उक्त गुफा समुन्द्र सतहदेखि...
Chitlang-1517417352.jpg
को हुन् डोरमणी पौडेल ?
नेपाल नगरपालिकाका संघको २०५४ सालदेखि हालसम्म अध्यक्ष रहेका पौडेल तत्कालिन हेटौंडा नगरपालिकाको बि.सं. २०४८ र २०५४ मा निर्वाचित मेयर हुन् । २ पटक...
Paudel-1518178453.jpg