Saturday, 19th January, 2019
वि.स.
Bihuli-002-1532968337.gif

होनाहार व्यक्तिले पालुङ क्याम्पस छोडेर बिदेशीनु दुःखको कुराः–अधिकारी

IMG_20180828_092221-1535532365.jpg

बिजयबाबु जस्तो होनहार ब्यक्ति पालुङ क्याम्पस छोडेर बिदेशीनु दुःखको कुरा भएको पालुङ बहुमुखी क्याम्पसका क्याम्पस प्रमुख रामहरि अधिकारीले बताए । पालुङ बहुमुखी क्याम्पसका प्राध्यापक बिजयबाबु बस्नेतको बिदाई कार्यक्रममा बोल्दै क्याम्पस प्रमुख अधिकारीले यस्तो बताएका हुन् । उनले सम्पूर्ण क्याम्पस परिवारको तर्फबाट मन्तब्य राख्दै बिजयबाबु जस्तो होनहार ब्यक्तिले क्याम्पस छोडेर बिदेशीनु र देश नै छोडेर बिदेशीनु दुखको कुरा भएको तर उहाँ जस्तो मान्छे अमेरिकाले पाउनु खुशीको कुरा भएको बताए । उनले क्याम्पसबाट के पाएँ भन्दा पनि क्याम्पसलाई के दिन सकेँ भन्ने ब्यवहार गरेको भन्दै प्राध्यापक  बस्नेतको कार्यको प्रशंसा गर्दै उज्ज्वल भविष्यको कामना गरे । 


कार्यक्रममा बोल्दै प्राध्यापक बिजयबाबु बस्नेतले आफुले क्याम्पसमा विद्यार्थीलाई उत्कृष्ट बनाउन ४५ मिनेटको कक्षाको लागि कम्तिमा ३ घण्टा तयारी गरेर मात्र पढाउने गरेको र जुनसुकै समयमा पनि क्याम्पसको भविष्य र विद्यार्थीको भविष्यको बारेमा छोच्ने गरेको बताए । वियोग, विदाई राम्रो कुरा नभए पनि नियतीको पाटोलाई सबैले स्वीकार्नु पर्ने बताउँदै आफुलाई क्याम्पस, विद्यार्थी र देश छोड्नु पर्दा दुख लागेको बताए । उनले आफु जहाँ भएपनि क्याम्पसको, आर्थिक, भौतिक, शैक्षिक लगायत जुनसुकै पाटोमा सहयोग गर्न तयार रहेको बताउँदै विद्यार्थी र प्राध्यापक हरुले देखाएको माया र सद्भावले आफुलाई मर्मा्हित बनाएको बताए ।


विद्यार्थीहरुको तर्फबाट आफ्ना भनाई राख्दै पालुङ क्याम्पसका स्ववियु सभापती मुकेश गोलेले भोलीको दिनमा असल प्राध्यापक को अभाव हुने बताए ।

प्राध्यापक  बिजयबाबु बस्नेतले विद्यार्थीहरुको लागि मिलनसार, सहयोगी, सल्लाहकार आदीको भूमिकामा रहेर शिक्षामा महत्वपूर्ण योगदान गरेको प्रति आभार प्रकट गरे ।


बिदाई कार्यक्रममा क्याम्पस परिवार, स्ववियु परिवार, बि.बि.एस.तेस्रो वर्षका विद्याथीहरु लगायत क्याम्पसमा सञ्चालित सबै तह र संकायका शिक्षक र विद्यार्थीहरुले मायाको चिनो प्रदान गर्दै खादा, माला र फुलले सम्मान गरिएको थियो ।


अनौपचारिक बिदाइ कार्यक्रममा क्याम्पस प्रमुख रामहरि अधिकारी, क्याम्पस ब्यवस्थापन समितिका सदस्य निरञ्जन अधिकारी, सहायक क्याम्पस प्रमुख दिपक विष्ट, प्राध्यापक  विजयबाबु बस्नेत, स्ववियु सभापती मुकेश गोले लगायतको अतिथ्यता रहेको थियो ।


प्राध्यापक  बिजयबाबु बस्नेतले वि.स. २०६७ साल देखि पालुङ क्याम्पसमा अध्यापन गराउँदै आएका दिए । उनी आफ्ना जीवन समृद्धिकोलागि बैदेशिक यात्राको क्रममा अमेरिका जान लागेका हुन् ।

http://bikaskhabar.com/public/images/users/44-1521117090.jpg

मञ्जरी बलामी

[email protected]

बलामी, विकासखबर डटकमका संवाददाता हुन् । उनी मकवानपुरको थाहानगरमा रहेर पत्रकारिता गरिरहेकी छिन् ।







Plant-1526723778.JPG